Hard Kaur Unknown Facts: ਜਦੋਂ ਬਾਲੀਵੁੱਡ ਦੇ ਪਾਰਟੀ ਸੌਂਗਸ ਦੀ ਗੱਲ ਆਉਂਦੀ ਹੈ ਅਤੇ ਕਿਸੇ ਵੀ ਮਹਿਲਾ ਰੈਪਰ ਦਾ ਜ਼ਿਕਰ ਕੀਤਾ ਜਾਂਦਾ ਹੈ, ਤਾਂ ਹਾਰਡ ਕੌਰ ਦਾ ਨਾਂ ਜ਼ਰੂਰ ਆਉਂਦਾ ਹੈ। ‘ਰੋਲਾ ਪੇ ਗਿਆ’ ਅਤੇ ‘ਸਾਡਾ ਦਿਲ ਵੀ ਤੂੰ’ ਵਰਗੇ ਗਾਣਿਆਂ ਨਾਲ ਫੈਨਸ ਦਾ ਦਿਲ ਜਿੱਤਣ ਵਾਲੀ ਹਾਰਡ ਕੌਰ ਨੇ ਬਹੁਤ ਹੀ ਘੱਟ ਸਮੇਂ ‘ਚ ਬਿਹਤਰੀਨ ਗਾਇਕਾਂ ‘ਚ ਆਪਣਾ ਨਾਂ ਬਣਾ ਲਿਆ ਹੈ। ਉਹ ਇਹ ਵੀ ਦਾਅਵਾ ਕਰਦੀ ਹੈ ਕਿ ਉਹ ਦੇਸ਼ ਦੀ ਪਹਿਲੀ ਮਹਿਲਾ ਰੈਪਰ ਹੈ। ਜਨਮਦਿਨ ਸਪੈਸ਼ਲ ਵਿੱਚ, ਅਸੀਂ ਤੁਹਾਨੂੰ ਹਾਰਡ ਕੌਰ ਦੇ ਜੀਵਨ ਦੀਆਂ ਕੁਝ ਕਹਾਣੀਆਂ ਤੋਂ ਜਾਣੂ ਕਰਵਾ ਰਹੇ ਹਾਂ।
ਬਚਪਨ ਤੋਂ ਹੀ ਕੀਤਾ ਸੰਘਰਸ਼
29 ਜੁਲਾਈ 1979 ਨੂੰ ਕਾਨਪੁਰ, ਉੱਤਰ ਪ੍ਰਦੇਸ਼ ਵਿੱਚ ਜਨਮੀ ਹਾਰਡ ਕੌਰ ਦਾ ਅਸਲੀ ਨਾਂ ਤਾਰਾ ਕੌਰ ਢਿੱਲੋਂ ਹੈ। ਉਹ ਇੱਕ ਮੱਧਵਰਗੀ ਪਰਿਵਾਰ ਨਾਲ ਸਬੰਧਤ ਸੀ। ਉਸ ਸਮੇਂ ਉਸਦੀ ਮਾਂ ਇੱਕ ਛੋਟਾ ਜਿਹਾ ਬਿਊਟੀ ਪਾਰਲਰ ਚਲਾਉਂਦੀ ਸੀ। ਕੁੱਲ ਮਿਲਾ ਕੇ ਹਾਰਡ ਕੌਰ ਆਪਣੀ ਜ਼ਿੰਦਗੀ ਵਿਚ ਖੁਸ਼ ਸੀ, ਪਰ ਇਹ ਖੁਸ਼ੀ ਜ਼ਿਆਦਾ ਦੇਰ ਟਿਕ ਨਹੀਂ ਸਕੀ।
ਦਰਅਸਲ, ਜਦੋਂ ਹਾਰਡ ਕੌਰ ਛੋਟੀ ਸੀ, ਉਸ ਦੇ ਪਿਤਾ ਦਾ ਦੇਹਾਂਤ ਹੋ ਗਿਆ ਸੀ। ਸਾਲ 1991 ਦੌਰਾਨ ਉਸਦੀ ਮਾਂ ਨੇ ਇੱਕ ਬ੍ਰਿਟਿਸ਼ ਨਾਲ ਵਿਆਹ ਕਰਵਾ ਲਿਆ ਤੇ ਉਹ ਵੀ ਆਪਣੀ ਮਾਂ ਨਾਲ ਇੰਗਲੈਂਡ ਚਲੀ ਗਈ। ਹਾਰਡ ਕੌਰ ਨੇ ਇੰਗਲੈਂਡ ਵਿੱਚ ਹੀ ਪੜ੍ਹਾਈ ਕੀਤੀ, ਪਰ ਉਸ ਦਾ ਮਨ ਸੰਗੀਤ ਦੀ ਦੁਨੀਆਂ ਵਿੱਚ ਮਸਤ ਰਹਿਣ ਲੱਗਾ। ਉਸ ਨੂੰ ਸ਼ੁਰੂ ਤੋਂ ਹੀ ਹਿਪ-ਹੋਪ ਮਿਊਜ਼ਕ ਪਸੰਦ ਸੀ।
ਹਾਰਡ ਕੌਰ ਨੇ ਇਸ ਤਰ੍ਹਾਂ ਬਣਾਇਆ ਆਪਣਾ ਕਰੀਅਰ
ਹਾਰਡ ਕੌਰ ਨੇ ਸੰਗੀਤ ਦੀ ਦੁਨੀਆ ਵਿੱਚ ਇੱਕ ਵੱਖਰਾ ਮੁਕਾਮ ਹਾਸਲ ਕਰਨ ਦਾ ਸੁਪਨਾ ਦੇਖਿਆ। ਦਰਅਸਲ, ਇਹ ਉਹ ਦੌਰ ਸੀ ਜਦੋਂ ਭਾਰਤ ਵਿੱਚ ਰੈਪਰ ਸਿਰਫ਼ ਮਰਦ ਸੀ। ਅਜਿਹੇ ‘ਚ ਉਸ ਨੇ ਰੈਪਿੰਗ ਦੀ ਦੁਨੀਆ ‘ਚ ਨਾਂ ਕਮਾਉਣ ਦਾ ਫੈਸਲਾ ਕੀਤਾ। ਸਭ ਤੋਂ ਪਹਿਲਾਂ ਉਸ ਨੇ ਆਪਣਾ ਸਟੇਜ ਦਾ ਨਾਂ ਹਾਰਡ ਕੌਰ ਰੱਖਿਆ। ਹਾਰਡ ਕੌਰ ਦਾ ਪਹਿਲਾ ਗਾਣਾ ‘ਇੱਕ ਗਲਾਸ’ ਸੀ, ਜੋ ਆਉਂਦੇ ਹੀ ਛਾ ਗਿਆ। ਇਸ ਤੋਂ ਬਾਅਦ ਸ਼੍ਰੀਰਾਮ ਰਾਘਵਨ ਦੀ ਫਿਲਮ ‘ਜੌਨੀ ਗੱਦਾਰ’ ਦੇ ਗੀਤ ‘ਪੈਸਾ ਫੇਂਕ’ ਨੇ ਉਸ ਨੂੰ ਪ੍ਰਸਿੱਧੀ ਦੀਆਂ ਬੁਲੰਦੀਆਂ ‘ਤੇ ਪਹੁੰਚਾਇਆ। ਜਦੋਂ ਕਿ ਹਾਰਡ ਕੌਰ ਨੇ ‘ਮੂਵ ਯੂਅਰ ਬਾਡੀ’, ‘ਟੱਲੀ ਹੂਆ’, ‘ਰੋਲਾ ਪੇ ਗਿਆ’, ‘ਸਾਡਾ ਦਿਲ ਵੀ ਤੂੰ’ ਸਮੇਤ ਕਈ ਹਿੱਟ ਗਾਣਿਆਂ ਨਾਲ ਲੋਕਾਂ ਨੂੰ ਨੱਚਣ ਲਈ ਮਜਬੂਰ ਕੀਤਾ।
ਵਿਵਾਦਾਂ ਵਿੱਚ ਵੀ ਫਸੀ ਹਾਰਡ ਕੌਰ
ਆਪਣੀ ਸ਼ਾਨਦਾਰ ਆਵਾਜ਼ ਨਾਲ ਫੈਨਸ ਦਾ ਦਿਲ ਜਿੱਤਣ ਵਾਲੀ ਹਾਰਡ ਕੌਰ ਆਪਣੇ ਬਿਆਨਾਂ ਕਾਰਨ ਵਿਵਾਦਾਂ ‘ਚ ਵੀ ਘਿਰੀ। ਦਰਅਸਲ ਸਿੰਗਰ ਨੇ ਆਪਣੇ ਇੱਕ ਕੰਸਰਟ ਦੌਰਾਨ ਸਿੱਖ ਕੌਮ ਅਤੇ ਗੁਰੂ ਗੋਬਿੰਦ ਸਿੰਘ ਲਈ ਅਪਮਾਨਜਨਕ ਸ਼ਬਦਾਂ ਦੀ ਵਰਤੋਂ ਕੀਤੀ ਸੀ। ਇਸ ਤੋਂ ਇਲਾਵਾ ਉਸ ਨੇ ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ ਅਤੇ ਆਰਐਸਐਸ ਮੁਖੀ ਮੋਹਨ ਭਾਗਵਤ ‘ਤੇ ਵੀ ਅਸ਼ਲੀਲ ਟਿੱਪਣੀਆਂ ਕੀਤੀਆਂ ਹਨ। ਅਜਿਹੇ ‘ਚ ਉਸ ਖਿਲਾਫ ਮਾਮਲਾ ਦਰਜ ਕੀਤਾ ਗਿਆ ਸੀ। ਕੁਝ ਸਾਲ ਪਹਿਲਾਂ ਹਾਰਡ ਕੌਰ ਨੇ ਵੀ ਖਾਲਿਸਤਾਨ ਦੇ ਸਮਰਥਨ ‘ਚ ਪੋਸਟ ਪਾਈ ਸੀ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
