Honey Singh on Diljit Dosanjh: ਪੰਜਾਬੀ ਸਿੰਗਰ ਤੇ ਰੈਪਰ ਹਨੀ ਸਿੰਘ ਪਿਛਲੇ ਕਈ ਦਿਨਾਂ ਤੋਂ ਆਪਣੀ ਨਵੀਂ ਐਲਬਮ 3.0 ਨੂੰ ਲੈ ਕੇ ਸੁਰਖੀਆਂ ਵਿੱਚ ਹਨ। ਹਨੀ ਸਿੰਘ ਸਾਲਾਂ ਬਾਅਦ ਆਉਣ ਵਾਲੀ ਨਵੀਂ ਐਲਬਮ ਨੂੰ ਪੂਰੇ ਜ਼ੋਰ-ਸ਼ੋਰ ਨਾਲ ਪ੍ਰਮੋਟ ਕਰ ਰਹੇ ਹਨ। ਅਜਿਹੇ ‘ਚ ਹਨੀ ਸਿੰਘ ਵੀ ਇੰਡਸਟਰੀ ਨੂੰ ਲੈ ਕੇ ਆਪਣੀ ਸਿਹਤ ਨੂੰ ਲੈ ਕੇ ਕਈ ਖੁਲਾਸੇ ਕਰ ਰਹੇ ਹਨ।
ਹਾਲ ਹੀ ‘ਚ ਹਨੀ ਸਿੰਘ ਨੇ ਸ਼ਹਿਨਾਜ਼ ਗਿੱਲ (Shehnaaz Gill) ਦੇ ਚੈਟ ਸ਼ੋਅ ‘ਚ ਖੁਲਾਸਾ ਕੀਤਾ ਕਿ ਉਨ੍ਹਾਂ ਨੇ ਕੁਝ ਸਾਲ ਪਹਿਲਾਂ ਐਕਟਰਸ ਤੇ ਸਿੰਗਰ ਦਿਲਜੀਤ ਦੋਸਾਂਝ ਲਈ ਐਲਬਮ ਡਿਜ਼ਾਈਨ ਕੀਤੀ ਸੀ ਪਰ ਉਨ੍ਹਾਂ ਨੂੰ ਕੋਈ ਖਾਸ ਕ੍ਰੈਡਿਟ ਨਹੀਂ ਮਿਲਿਆ ਸੀ…!
ਹਨੀ ਸਿੰਘ ਕ੍ਰੈਡਿਟ ਲਈ ਕੰਮ ਨਹੀਂ ਕਰਦੇ!
ਹਨੀ ਸਿੰਘ ਹਾਲ ਹੀ ਵਿੱਚ ਸ਼ਹਿਨਾਜ਼ ਗਿੱਲ ਦੇ ਚੈਟ ਸ਼ੋਅ ਦਾ ਹਿੱਸਾ ਬਣੇ ਹਨ। ਜਿੱਥੇ ਉਨ੍ਹਾਂ ਨੇ ਆਪਣੀ ਜ਼ਿੰਦਗੀ ਨਾਲ ਜੁੜੀਆਂ ਕਈ ਗੱਲਾਂ ਬਾਰੇ ਦੱਸਿਆ। ਹਨੀ ਸਿੰਘ ਨੇ ਸ਼ੋਅ ‘ਚ ਦੱਸਿਆ ਕਿ ਉਹ ਕਦੇ ਵੀ ਕ੍ਰੈਡਿਟ ਲਈ ਕੰਮ ਨਹੀਂ ਕਰਦੇ।
ਇਸ ਐਪੀਸੋਡ ‘ਚ ਹਨੀ ਸਿੰਘ ਨੇ ਕਿਹਾ, ਮੈਂ ਹਮੇਸ਼ਾ ਆਪਣੇ ਲਈ ਕੰਮ ਕੀਤਾ ਹੈ, ਆਪਣੇ ਆਪ ਨੂੰ ਖੁਸ਼ ਕਰਨ ਲਈ ਕੰਮ ਕੀਤਾ ਹੈ, ਕਿਸੇ ਹੋਰ ਨੂੰ ਖੁਸ਼ ਕਰਨ ਲਈ ਨਹੀਂ… ਮੈਂ ਉਹ ਗੀਤ ਰਿਲੀਜ਼ ਕਰਾਂਗਾ ਜੋ ਮੈਨੂੰ ਪਸੰਦ ਆਵੇਗਾ ਤੇ ਉਸ ਨੂੰ ਸ਼ੂਟ ਕਰਾਂਗਾ… ਹਨੀ ਸਿੰਘ ਨੇ ਇਹ ਵੀ ਕਿਹਾ, ਜਦੋਂ ਉਹ ਸਾਲ 2007 ਵਿੱਚ ਪੰਜਾਬ ਵਿੱਚ ਸ਼ਿਫਟ ਹੋਇਆ ਤਾਂ ਉਸਨੇ ਇੱਕ ਮਿਊਜ਼ਿਕ ਪ੍ਰੋਡਿਊਸਰ ਤੇ ਲੇਖਕ ਵਜੋਂ ਕੰਮ ਕੀਤਾ।
ਦਿਲਜੀਤ ਦੋਸਾਂਝ ਲਈ ਹਨੀ ਸਿੰਘ ਨੇ ਕਹੀ ਇਹ ਗੱਲ
ਹਨੀ ਸਿੰਘ ਨੇ ਇਹ ਵੀ ਦੱਸਿਆ ਕਿ 2007 ਤੋਂ 2012 ਤੱਕ ਉਨ੍ਹਾਂ ਦੇ ਗੀਤ ਹਿੱਟ ਹੋਏ। ਫਿਰ ਉਸ ਨੇ ਦਿਲਜੀਤ ਦੋਸਾਂਝ ਲਈ ‘ਦ ਨੈਕਸਟ ਲੈਵਲ’ ਐਲਬਮ ਬਣਾਈ, ਉਸ ਐਲਬਮ ਨੂੰ ਡਿਜ਼ਾਈਨ ਕਰਨ ‘ਚ ਇੱਕ ਸਾਲ ਲੱਗ ਗਿਆ ਪਰ ਮੈਨੂੰ ਇਸ ਦਾ ਕੋਈ ਖਾਸ ਕ੍ਰੈਡਿਟ ਨਹੀਂ ਮਿਲਿਆ… ਮੈਂ ਕਦੇ ਵੀ ਕ੍ਰੈਡਿਟ ਲਈ ਕੰਮ ਨਹੀਂ ਕੀਤਾ ਕਿਉਂਕਿ ਜੇਕਰ ਤੁਹਾਡੇ ਕੋਲ ਟੈਲੇਂਟ ਹੈ, ਤਾਂ ਅੱਜ ਨਹੀਂ ਤਾਂ ਕੱਲ੍ਹ ਤੁਹਾਡੀ ਪ੍ਰਤਿਭਾ ਨੂੰ ਪਰਖਣ ਵਾਲੇ ਅਤੇ ਤੁਹਾਨੂੰ ਮੌਕਾ ਦੇਣ ਵਾਲੇ ਤੁਹਾਨੂੰ ਬੁਲਾਉਣਗੇ, ਅਜਿਹੀ ਸਥਿਤੀ ਵਿੱਚ ਸਬਰ ਜ਼ਰੂਰੀ ਹੈ।
ਹਨੀ ਸਿੰਘ ਦਾ ਵਰਕਫਰੰਟ
ਹਨੀ ਸਿੰਘ ਮੂਵੀਜ਼ ਦੇ ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਹਾਲ ਹੀ ਵਿੱਚ ਸਲਮਾਨ ਖ਼ਾਨ ਦੀ ਫਿਲਮ ਵਿੱਚ ਪੰਜਾਬੀ ਸਿੰਗਰ-ਰੈਪਰ ਦਾ ਇੱਕ ਗੀਤ ਰਿਲੀਜ਼ ਹੋਇਆ ਹੈ। ਹਨੀ ਸਿੰਘ ਨੇ ਸਲਮਾਨ ਖ਼ਾਨ ਦੀ ਫਿਲਮ ‘ਕਿਸੀ ਕਾ ਭਾਈ ਕਿਸੀ ਕੀ ਜਾਨ’ ‘ਚ ‘ਛੋਟੂ ਮੋਟੂ’ ਗਾਣਾ ਗਾਇਆ। ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਹਨੀ ਸਿੰਘ ਬਾਲੀਵੁੱਡ ‘ਚ ਸ਼ਾਹਰੁਖ ਖ਼ਾਨ, ਅਮਿਤਾਭ ਬੱਚਨ ਤੇ ਅਕਸ਼ੈ ਕੁਮਾਰ ਲਈ ਗਾਣੇ ਗਾ ਚੁੱਕੇ ਹਨ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
