ICC T20I Rankings: ਭਾਰਤ ਅਤੇ ਆਸਟ੍ਰੇਲੀਆ ਦੀਆਂ ਮਹਿਲਾ ਕ੍ਰਿਕਟ ਟੀਮਾਂ ਵਿਚਾਲੇ ਖੇਡੀ ਜਾ ਰਹੀ 5 ਮੈਚਾਂ ਦੀ ਟੀ-20 ਸੀਰੀਜ਼ ‘ਚ ਕਾਫੀ ਰੋਮਾਂਚਕ ਮੈਚ ਦੇਖਣ ਨੂੰ ਮਿਲ ਰਹੇ ਹਨ, ਜਿਸ ਤੋਂ ਬਾਅਦ ਆਸਟ੍ਰੇਲੀਆਈ ਟੀਮ ਨੇ 3 ਮੈਚ ਖਤਮ ਹੋਣ ਤੋਂ ਬਾਅਦ 2-1 ਦੀ ਜਗ੍ਹਾ ਬਣਾ ਲਈ ਹੈ। ਸੀਰੀਜ਼ ਦੇ ਪਹਿਲੇ ਮੈਚ ‘ਚ ਭਾਰਤੀ ਟੀਮ ਜਿੱਤ ਕੇ ਵੀ ਮੈਚ ਹਾਰ ਗਈ, ਪਰ ਦੂਜੇ ਮੈਚ ‘ਚ ਸੁਪਰ ਓਵਰ ‘ਚ ਜਿੱਤ ਹਾਸਿਲ ਕੀਤੀ। ਹਾਲਾਂਕਿ ਤੀਜੇ ਮੈਚ ‘ਚ ਹਰਮਨਪ੍ਰੀਤ ਦੀ ਕਪਤਾਨੀ ਵਾਲੀ ਭਾਰਤੀ ਟੀਮ ਨੂੰ ਫਿਰ 21 ਦੌੜਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਮੰਧਾਨਾ ਨੇ ਕਰੀਅਰ ‘ਚ ਬੈਸਟ ਰੈਂਕ ਹਾਸਲ ਕੀਤਾ-
ਇਸ ਦੌਰਾਨ ਆਈਸੀਸੀ ਨੇ ਮਹਿਲਾ ਟੀ-20 ਕ੍ਰਿਕਟ ਦੀ ਤਾਜ਼ਾ ਰੈਂਕਿੰਗ ਜਾਰੀ ਕਰ ਦਿੱਤੀ, ਜਿਸ ‘ਚ ਭਾਰਤੀ ਸਲਾਮੀ ਬੱਲੇਬਾਜ਼ ਸਮ੍ਰਿਤੀ ਮੰਧਾਨਾ ਨੇ ਆਪਣੇ ਕਰੀਅਰ ਦਾ ਬੈਸਟ ਰੈਂਕਿੰਗ ਹਾਸਲ ਕੀਤਾ ਤੇ ਵਿਸ਼ਵ ਦੀਆਂ ਬੈਸਟ ਬੱਲੇਬਾਜ਼ਾਂ ਦੀ ਸੂਚੀ ‘ਚ ਤੀਜੇ ਸਥਾਨ ’ਤੇ ਹੈ।
ਆਈਸੀਸੀ ਵਲੋਂ ਜਾਰੀ ਟੀ-20 ਰੈਂਕਿੰਗ ‘ਚ, ਭਾਰਤ ਦੀ ਸਲਾਮੀ ਬੱਲੇਬਾਜ਼ ਮੰਧਾਨਾ ਨੇ ਸੂਚੀ ‘ਚ ਕਰੀਅਰ ਦੇ ਬੈਸਟ 741 ਰੇਟਿੰਗ ਰੈਂਕ ਹਾਸਲ ਕੀਤੇ ਤੇ ਇਸਦੇ ਨਾਲ ਤੀਜੇ ਸਥਾਨ ‘ਤੇ ਹੈ। ਆਸਟ੍ਰੇਲੀਆ ਖਿਲਾਫ ਦੂਜੇ ਵਨਡੇ ‘ਚ ਪਲੇਅਰ ਆਫ ਦ ਮੈਚ ਚੁਣੀ ਗਈ ਤੇ ਉਸ ਨੂੰ 11 ਰੇਟਿੰਗ ਅੰਕ ਮਿਲੇ। ਦੂਜਾ ਮੈਚ ਟਾਈ ਹੋਣ ਤੋਂ ਬਾਅਦ ਭਾਰਤ ਨੇ ਸੁਪਰ ਓਵਰ ਜਿੱਤ ਲਿਆ।
ਤਾਲੀਆ ਦੁਨੀਆ ਦੀ ਨੰਬਰ 1 ਬੱਲੇਬਾਜ਼ ਬਣੀ-
ਭਾਰਤ ਖਿਲਾਫ ਮੌਜੂਦਾ ਸੀਰੀਜ਼ ਦੇ ਪਹਿਲੇ 3 ਮੈਚਾਂ ‘ਚ ਸ਼ਾਨਦਾਰ ਪ੍ਰਦਰਸ਼ਨ ਦੀ ਬਦੌਲਤ ਆਸਟ੍ਰੇਲੀਆ ਦੀ ਟਾਹਲੀਆ ਮੈਕਗ੍ਰਾ ਦੁਨੀਆ ਦੀ ਨੰਬਰ ਇਕ ਬੱਲੇਬਾਜ਼ ਬਣ ਗਈ। ਆਈਸੀਸੀ ਦੇ ਅਨੁਸਾਰ, 27 ਸਾਲਾ ਤਾਹਲੀਆ 40 ਅਤੇ 70 ਦੌੜਾਂ ਦੀ ਪਾਰੀ ਦੀ ਬਦੌਲਤ ਮਹਿਲਾ ਟੀ-20 ਅੰਤਰਰਾਸ਼ਟਰੀ ਰੈਂਕਿੰਗ ਦੇ ਸਿਖਰ ‘ਤੇ ਪਹੁੰਚਣ ਵਾਲੀ ਆਸਟਰੇਲੀਆ ਦੀ ਦੂਜੀ ਅਤੇ ਕੁੱਲ ਮਿਲਾ ਕੇ 12ਵੀਂ ਬੱਲੇਬਾਜ਼ ਬਣ ਗਈ। ਉਸਨੇ ਹਮਵਤਨ ਮੇਗ ਲੈਨਿੰਗ ਅਤੇ ਬੇਥ ਮੂਨੀ ਦੇ ਨਾਲ-ਨਾਲ ਸਮ੍ਰਿਤੀ ਨੂੰ ਹਰਾਉਣ ਲਈ ਤਿੰਨ ਸਥਾਨ ਅੱਗੇ ਨਿਕਲ ਗਈ।
ਤਾਲੀਆ ਨੂੰ ਇਸ ਵਿਸ਼ੇਸ਼ ਸੂਚੀ ‘ਚ ਸ਼ਾਮਲ ਕੀਤਾ-
ਮੂਨੀ ਇਸ ਸਾਲ 3 ਅਗਸਤ ਤੋਂ ਸਿਖਰ ‘ਤੇ ਹੈ ਜਦੋਂ ਉਸਨੇ ਲੈਨਿੰਗ ਨੂੰ ਪਛਾੜ ਕੇ ਵਿਸ਼ਵ ਦੀ ਨੰਬਰ ਇਕ ਬਣੀ। ਤਾਹਲੀਆ ਸਿਰਫ 16 ਮੈਚ ਖੇਡ ਕੇ ਦੁਨੀਆ ਦੀ ਨੰਬਰ ਇਕ ਬੱਲੇਬਾਜ਼ ਬਣ ਗਈ। ਇਸ ਤੋਂ ਪਹਿਲਾਂ 2010 ‘ਚ ਵੈਸਟਇੰਡੀਜ਼ ਦੀ ਸਟੈਫਨੀ ਟੇਲਰ ਸਿਰਫ 15 ਮੈਚ ਖੇਡ ਕੇ ਦੁਨੀਆ ਦੀ ਨੰਬਰ ਇਕ ਬੱਲੇਬਾਜ਼ ਬਣੀ। ਭਾਰਤ ਦੀ ਸਲਾਮੀ ਬੱਲੇਬਾਜ਼ ਸ਼ੈਫਾਲੀ ਵਰਮਾ ਨੇ ਹਾਲ ਹੀ ਦੇ ਸਾਲਾਂ ‘ਚ ਸਿਖਰ ‘ਤੇ ਪਹੁੰਚਣ ਲਈ ਸਭ ਤੋਂ ਘੱਟ ਸਮਾਂ ਲਿਆ। ਸ਼ੈਫਾਲੀ ਨੇ ਇਹ ਉਪਲਬਧੀ 18 ਮੈਚਾਂ ‘ਚ ਹਾਸਲ ਕੀਤੀ।
ਇਨ੍ਹਾਂ ਭਾਰਤੀ ਖਿਡਾਰੀਆਂ ਦਾ ਨਾਂ ਵੀ ਟਾਪ-10 ‘ਚ ਸ਼ਾਮਲ-
ਟੀ-20 ਅੰਤਰਰਾਸ਼ਟਰੀ ਬੱਲੇਬਾਜ਼ਾਂ ਦੀ ਸਿਖਰ 10 ਸੂਚੀ ‘ਚ ਭਾਰਤ ਦੀ ਸ਼ੈਫਾਲੀ ਅਤੇ ਜੇਮਿਮਾਹ ਰੌਡਰਿਗਜ਼ ਵੀ ਸ਼ਾਮਲ ਹਨ। ਜੇਮਿਮਾ ਨੇ ਇਕ ਸਥਾਨ ਹਾਸਲ ਕੀਤਾ ਤੇ ਉਹ ਛੇਵੇਂ ਸਥਾਨ ‘ਤੇ ਹੈ। ਗੇਂਦਬਾਜ਼ਾਂ ਦੀ ਟੀ-20 ਅੰਤਰਰਾਸ਼ਟਰੀ ਦਰਜਾਬੰਦੀ ‘ਚ, ਭਾਰਤ ਦੀ ਦੀਪਤੀ ਸ਼ਰਮਾ ਅਤੇ ਰੇਣੁਕਾ ਸਿੰਘ ਠਾਕੁਰ ਕ੍ਰਮਵਾਰ ਤੀਜੇ ਅਤੇ ਚੌਥੇ ਸਥਾਨ ‘ਤੇ ਹਨ। ਇੰਗਲੈਂਡ ਦੀ ਲੈੱਗ ਸਪਿੰਨਰ ਸਾਰਾ ਗਲੇਨ ਹਮਵਤਨ ਸੋਫੀ ਏਕਲਸਟੋਨ ਤੋਂ ਇਕ ਸਥਾਨ ਪਿੱਛੇ ਦੂਜੇ ਸਥਾਨ ‘ਤੇ ਹੈ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
