ਆਯੁਸ਼ਮਾਨ ਖੁਰਾਨਾ (Ayushmann Khurrana)ਦੀ ਫਿਲਮ ਐਨ ਐਕਸ਼ਨ ਹੀਰੋ (An Action Hero) ਲਗਾਤਾਰ ਚਰਚਾ ਵਿੱਚ ਰਹਿੰਦੀ ਹੈ। ਫਿਲਮ ਦਾ ਟ੍ਰੇਲਰ ਦੇਖਣ ਤੋਂ ਬਾਅਦ ਫੈਨਸ ਦੇ ਦਿਲਾਂ ‘ਚ ਫਿਲਮ ਨੂੰ ਲੈ ਕੇ ਉਤਸ਼ਾਹ ਵਧ ਗਿਆ ਹੈ। ਇਸ ਦੇ ਨਾਲ ਹੀ ਆਯੁਸ਼ਮਾਨ ਨੇ Jehda Nasha ਗਾਣੇ ਦੀ ਰਿਲੀਜ਼ ਬਾਰੇ ਜਾਣਕਾਰੀ ਵੀ ਸਾਂਝੀ ਕੀਤੀ ਹੈ। ਦਰਅਸਲ, ਗੀਤ ਦਾ ਪੋਸਟਰ ਸ਼ੇਅਰ ਕਰਦੇ ਹੋਏ ਐਕਟਰ ਨੇ ਲਿਖਿਆ, ‘ਇੱਕ ਵਾਰ ਫਿਰ #JehdaNasha ਦੇ ਨਾਲ, ਇੱਕ ਸ਼ਾਨਦਾਰ ਟਵਿਸਟ ਦੇ ਨਾਲ ਡਾਂਸ ਫਲੋਰ ‘ਤੇ ਤਿਆਰ ਹੋ ਜਾਓ! ਜਲਦੀ ਆਊਟ! #AnActionHero 2 ਦਸੰਬਰ, 2022 ਨੂੰ ਤੁਹਾਡੇ ਨੇੜੇ ਦੇ ਸਿਨੇਮਾ ਘਰਾਂ ਵਿੱਚ।’
View this post on Instagram
ਆਯੂਸ਼ਮਾਨ ਦੀ ਇਸ ਪੋਸਟ ਦੇ ਮੁਤਾਬਕ, ਜੇਹੜਾ ਨਸ਼ਾ ਗਾਣਾ ਜਲਦ ਹੀ ਰਿਲੀਜ਼ ਹੋਣ ਵਾਲਾ ਹੈ, ਜਿਸ ਦਾ ਫੈਨਸ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਗਾਣੇ ‘ਚ ਐਕਟਰ ਦੇ ਨਾਲ ਨੋਰਾ ਫਤੇਹੀ ਵੀ ਨਜ਼ਰ ਆਵੇਗੀ। ਦੱਸ ਦਈਏ ਕਿ ਹਾਲ ਹੀ ‘ਚ ਇਸ ਗੀਤ ਦੀ ਸ਼ੂਟਿੰਗ ਦਾ ਵੀਡੀਓ ਕਲਿੱਪ ਵੀ ਇੰਟਰਨੈੱਟ ‘ਤੇ ਵਾਇਰਲ ਹੋਇਆ। ਵਾਇਰਲ ਕਲਿੱਪ ‘ਚ ਆਯੁਸ਼ਮਾਨ ਨੂੰ ਨੋਰਾ ਫਤੇਹੀ ਨਾਲ ਡਾਂਸ ਕਰਦੇ ਦੇਖਿਆ ਗਿਆ।
ਦੱਸ ਦੇਈਏ ਕਿ ਅਨਿਰੁਧ ਅਈਅਰ ਦੇ ਨਿਰਦੇਸ਼ਨ ਵਿੱਚ ਬਣਨ ਵਾਲੀ ਇਸ ਫਿਲਮ ਵਿੱਚ ਆਯੁਸ਼ਮਾਨ ਪਹਿਲਾਂ ਕਦੇ ਨਾ ਦੇਖੇ ਗਏ ਅਵਤਾਰ ‘ਚ ਨਜ਼ਰ ਆਉਣਗੇ। ਇਸ ਦੇ ਨਾਲ ਹੀ ਫਿਲਮ ਦੇ ਫਰਸਟ ਲੁੱਕ ਪੋਸਟਰ ‘ਚ ਦੱਸਿਆ ਗਿਆ ਕਿ ਆਮਿਰ ਖ਼ਾਨ ਪ੍ਰੋਡਕਸ਼ਨ ਰਾਹੀਂ ਦੇਸ਼ ਪਹਿਲੀ ਵਾਰ ਉਨ੍ਹਾਂ ਨੂੰ ਐਕਸ਼ਨ ਹੀਰੋ ਵਜੋਂ ਨਜ਼ਰ ਆਉਣਗੇ।
ਨਾਲ ਹੀ, ਨੈੱਟਫਲਿਕਸ ਨੇ ਫਿਲਮ ਦੇ ਵਿਸ਼ੇਸ਼ ਸਟ੍ਰੀਮਿੰਗ ਅਧਿਕਾਰ ਹਾਸਲ ਕਰ ਲਏ ਹਨ, ਜੋ ਕਿ ਆਨੰਦ ਐਲ ਰਾਏ ਅਤੇ ਟੀ-ਸੀਰੀਜ਼ ਵਲੋਂ ਨਿਰਮਿਤ ਹੈ। ਦੱਸ ਦੇਈਏ ਕਿ ਐਕਟਰ ਸੋਸ਼ਲ ਮੀਡੀਆ ‘ਤੇ ਕਾਫੀ ਐਕਟਿਵ ਹੈ।
ਐਕਟਰ ਆਪਣੇ ਫੈਨਸ ਲਈ ਕਈ ਸ਼ਾਨਦਾਰ ਪੋਸਟਾਂ ਸ਼ੇਅਰ ਕਰਦਾ ਹੈ। ਇਸ ਤੋਂ ਇਲਾਵਾ ਉਹ ਆਪਣੀ ਐਕਟਿੰਗ ਤੇ ਕਾਮੇਡੀ ਫਿਲਮਾਂ ਲਈ ਖਾਸ ਤੌਰ ‘ਤੇ ਜਾਣੇ ਜਾਂਦੇ ਹਨ। ਆਯੁਸ਼ਮਾਨ ਨੇ ਆਪਣੀ ਐਕਟਿੰਗ ਦੇ ਦਮ ‘ਤੇ ਘੱਟ ਬਜਟ ਵਾਲੀ ਫਿਲਮ ਨੂੰ ਵੀ ਹਿੱਟ ਬਣਾਇਆ ਹੈ।
