Kapil Sharma and Guru Randhawa: ਪੂਰੀ ਦੁਨੀਆ ਫੇਮਸ ਕਾਮੇਡੀਅਨ ਕਪਿਲ ਸ਼ਰਮਾ ਦੀ ਕਾਮੇਡੀ ਦੀ ਦੀਵਾਨੀ ਹੈ। ਕਾਮੇਡੀ ਦੇ ਨਾਲ ਨਾਲ ਕਪਿਲ ਨੇ ਫਿਲਮਾਂ ਵਿੱਚ ਆਪਣੀ ਐਕਟਿੰਗ ਦਾ ਜੌਹਰ ਵੀ ਦਿਖਾਇਆ ਅਤੇ ਲੋਕਾਂ ਨੂੰ ਆਪਣੇ ਹੁਨਰ ਤੋਂ ਜਾਣੂ ਕਰਵਾਇਆ। ਹੁਣ ਕਪਿਲ ਸ਼ਰਮਾ ਬਤੌਰ ਗਾਇਕ ਆਪਣੇ ਕਰੀਅਰ ਦੀ ਨਵੀਂ ਪਾਰੀ ਸ਼ੁਰੂ ਕਰਨ ਜਾ ਰਹੇ ਹਨ।
ਜੀ ਹਾਂ, ਜਲਦ ਹੀ ਫੈਨਸ ਕਪਿਲ ਦੀ ਆਵਾਜ਼ ‘ਚ ਗਾਣੇ ਸੁਣਨਗੇ। ਉਂਝ ਤਾਂ ਅਕਸਰ ਹੀ ਕਪਿਲ ਨੂੰ ਉਸ ਦੇ ਕਾਮੇਡੀ ਸ਼ੋਅ ਦ ਕਪਿਲ ਸ਼ਰਮਾ ਸ਼ੋਅ ਦੌਰਾਨ ਕੁਝ ਨਾ ਕੁਝ ਗੁਨਗੁਨਾਉਂਦੇ ਸੁਣਦੇ ਰਹਿੰਦੇ ਹਾਂ। ਪਰ ਹੁਣ ਭੂਸ਼ਣ ਕੁਮਾਰ ਆਪਣੇ ਸਿੰਗਿੰਗ ਡੈਬਿਊ ਲਈ ਕਪਿਲ ਸ਼ਰਮਾ ਨੂੰ ਲਾਂਚ ਕਰਨ ਵਾਲੇ ਹਨ।
ਮਸ਼ਹੂਰ ਪੰਜਾਬੀ ਸਿੰਗਰ ਗੁਰੂ ਰੰਧਾਵਾ ਅਤੇ ਯੋਗਿਤਾ ਬਿਹਾਨੀ ਵੀ ਕਪਿਲ ਸ਼ਰਮਾ ਦੇ ਨਾਲ ‘ਅਲੋਨ’ ਗੀਤ ਵਿੱਚ ਨਜ਼ਰ ਆਉਣਗੇ। ਕਪਿਲ ਸ਼ਰਮਾ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਅਲੋਨ ਗੀਤ ਦਾ ਬਿਹਾਈਂਡ ਦਾ ਸੀਨ ਵਾਲਾ ਵੀਡੀਓ ਸਾਂਝਾ ਕੀਤਾ ਹੈ। ਜਿਸ ਵਿੱਚ ਉਨ੍ਹਾਂ ਨੇ ਮਨਾਲੀ ਵਿੱਚ ਸ਼ੂਟਿੰਗ ਕਰਨ ਦਾ ਅਨੁਭਵ ਸਾਂਝਾ ਕੀਤਾ ਹੈ। ਕਾਮੇਡੀ ਕਿੰਗ ਕਪਿਲ ਸ਼ਰਮਾ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਅਲੋਨ ਗੀਤ ਦਾ ਬੀਟੀਐਸ ਵੀਡੀਓ ਸ਼ੇਅਰ ਕੀਤਾ ਹੈ।
View this post on Instagram
ਜਿਸ ਵਿੱਚ ਕਪਿਲ ਦੇ ਨਾਲ ਗੁਰੂ ਰੰਧਾਵਾ ਤੇ ਮਾਡਲ ਯੋਗਿਤਾ ਬਿਹਾਨੀ ਦਿਖਾਈ ਦੇ ਰਹੀ ਹੈ। ਕਪਿਲ ਕਹਿੰਦੇ ਨੇ ਇੱਥੇ ਆ ਕੇ ਪਤਾ ਚੱਲਿਆ ਕਿ ਗਲਤੀ ਹੋ ਗਈ…ਬਹੁਤ ਠੰਢ ਏ..। ਇਹ ਸੁਣ ਕੇ ਗੁਰੂ ਰੰਧਾਵਾ ਵੀ ਹੱਸ ਪੈਂਦੇ ਨੇ। ਗਾਣੇ ਦੀ ਮਾਡਲ ਯੋਗਿਤਾ ਵੀ ਕਹਿੰਦੀ ਹੈ ਕਿ ਬਹੁਤ ਠੰਢ ਹੈ। ਵੀਡੀਓ ਵਿੱਚ ਦੇਖ ਸਕਦੇ ਹੋ ਬਰਫ ਦੇ ਵਿੱਚ ਅਲੋਨ ਗੀਤ ਦੀ ਪੂਰੀ ਟੀਮ ਬਹੁਤ ਮਿਹਨਤ ਦੇ ਨਾਲ ਕੰਮ ਕਰ ਰਹੀ ਹੈ।
ਕਪਿਲ ਸ਼ਰਮਾ ਨੇ ਕੈਪਸ਼ਨ ਵਿੱਚ ਲਿਖਿਆ ਹੈ- ‘ਯੇ ਇਸ਼ਕ ਨਹੀਂ ਆਸਾਨ, ਬਸ ਇਤਨਾ ਸਮਝ ਲਿਜੀਏ,ਏਕ ਬਰਫ ਕਾ ਦਰਿਆ ਹੈ ਔਰ ਕੁਲਫ਼ੀ ਹੋ ਕੇ ਘਰ ਜਾਨਾ ਹੈ…ਕੋਈ ਅਨੁਮਾਨ ਲਗਾ ਸਕਦਾ ਹੈ ਕਿ ਕਿੰਨਾ temperature ..we shot our song #alone in #manali ??? 🤩 #aloneon9thfeb #gratutde 😇🙏’।
ਦੱਸ ਦਈਏ ਕਿ ਟੀ-ਸੀਰੀਜ਼ ਇਸ ਗਾਣੇ ਨੂੰ ਪੇਸ਼ ਕਰ ਰਿਹਾ ਹੈ, ਇਹ ਗੁਰੂ ਰੰਧਾਵਾ ਵਲੋਂ ਰਚਿਆ ਤੇ ਲਿਖਿਆ ਇੱਕ ਰੋਮਾਂਟਿਕ-ਸੈਡ ਸੌਂਗ ਹੋਵੇਗਾ। ਜਿਸ ਨੂੰ ਮਿਊਜ਼ਿਕ ਵੀਡੀਓ ਡਾਇਰੈਕਟਰ ਗਿਫਟੀ ਨੇ ਡਾਇਰੈਕਟ ਕੀਤਾ ਹੈ। ਗੀਤ ਦੀ ਸ਼ੂਟਿੰਗ ਮਨਾਲੀ ਦੀ ਖੂਬਸੂਰਤ ਲੋਕੇਸ਼ਨ ‘ਤੇ ਕੀਤੀ ਗਈ ਹੈ। ਇਹ ਗੀਤ 9 ਫਰਵਰੀ 2023 ਨੂੰ ਰਿਲੀਜ਼ ਹੋਵੇਗਾ।
