Nargis Dutt Death Anniversary: ਅੱਜ ਯਾਨੀ 3 ਮਈ ਨੂੰ ਆਪਣੇ ਦੌਰ ਦੀ ਮਸ਼ਹੂਰ ਐਕਟਰਸ ਨਰਗਿਸ ਦੱਤ ਦੀ ਬਰਸੀ ਹੈ। 3 ਮਈ 1981 ਨੂੰ ਉਨ੍ਹਾਂ ਦੀ ਮੌਤ ਹੋ ਗਈ ਸੀ। ਨਰਗਿਸ ਉਨ੍ਹਾਂ ਐਕਟਰਸ ਚੋਂ ਇੱਕ ਹੈ ਜਿਨ੍ਹਾਂ ਨੇ ਹਿੰਦੀ ਸਿਨੇਮਾ ਨੂੰ ਕਈ ਮਹਾਨ ਤੇ ਹਿੱਟ ਫਿਲਮਾਂ ਦਿੱਤੀਆਂ। ਉਨ੍ਹਾਂ ਦੇ ਪਤੀ ਦਾ ਨਾਮ ਸੁਨੀਲ ਦੱਤ ਤੇ ਬੇਟੇ ਦਾ ਨਾਮ ਸੰਜੇ ਦੱਤ ਹੈ, ਜੋ ਇੱਕ ਬਹਿਤਰੀਨ ਐਕਟਰ ਹੈ।
ਨਰਗਿਸ ਨੇ ਬਹੁਤ ਛੋਟੀ ਉਮਰ ਵਿੱਚ ਫਿਲਮ ਇੰਡਸਟਰੀ ਵਿੱਚ ਐਂਟਰੀ ਕੀਤੀ ਤੇ ਬਹੁਤ ਛੋਟੀ ਉਮਰ ਵਿੱਚ ਕੈਂਸਰ ਦਾ ਪਤਾ ਲੱਗ ਗਿਆ ਸੀ। ਐਕਟਰਸ ਨੇ ਆਪਣੇ ਦਮ ‘ਤੇ ਬਾਲੀਵੁੱਡ ‘ਚ ਆਪਣੀ ਪਛਾਣ ਬਣਾਈ ਤੇ ਹਿੰਦੀ ਸਿਨੇਮਾ ਨੂੰ ਕਈ ਸਦਾਬਹਾਰ ਫਿਲਮਾਂ ਦਿੱਤੀਆਂ। ਅੱਜ ਉਨ੍ਹਾਂ ਦੀ ਬਰਸੀ ਦੇ ਮੌਕੇ ‘ਤੇ ਅਸੀਂ ਤੁਹਾਨੂੰ ਨਰਗਿਸ ਨਾਲ ਜੁੜੀਆਂ ਕੁਝ ਖਾਸ ਗੱਲਾਂ ਬਾਰੇ ਦੱਸਣ ਜਾ ਰਹੇ ਹਾਂ।
ਕਦੋਂ ਹੋਇਆ ਨਰਗਿਸ ਦਾ ਜਨਮ ?
ਨਰਗਿਸ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਬਾਲ ਕਲਾਕਾਰ ਵਜੋਂ ਕੀਤੀ ਸੀ। ਉਹ ਸਿਰਫ਼ ਪੰਜ ਸਾਲ ਦੀ ਸੀ ਜਦੋਂ ਉਸਨੇ ਸਿਨੇਮਾ ਵਿੱਚ ਆਪਣੀ ਸ਼ੁਰੂਆਤ ਕੀਤੀ। ਐਕਟਰਸ ਦੀ ਪਹਿਲੀ ਫਿਲਮ ‘ਤਲਾਸ਼-ਏ-ਹੱਕ’ ਸੀ। ਇਸ ਫਿਲਮ ‘ਚ ਨਰਗਿਸ ਦੇ ਕੰਮ ਨੂੰ ਕਾਫੀ ਪਸੰਦ ਕੀਤਾ ਗਿਆ ਸੀ।
ਐਕਟਰਸ ਨਰਗਿਸ ਦਾ ਜਨਮ 1 ਜੂਨ 1929 ਨੂੰ ਕੋਲਕਾਤਾ ਵਿੱਚ ਹੋਇਆ ਸੀ। ਉਸਦੇ ਪਿਤਾ ਦਾ ਨਾਮ ਮੋਹਨ ਚੰਦ ਉੱਤਮ ਚੰਦ ਜਾਂ ਮੋਹਨ ਬਾਬੂ ਸੀ, ਪਰ ਉਸਨੇ ਇਸਲਾਮ ਕਬੂਲ ਕਰ ਲਿਆ ਤੇ ਆਪਣਾ ਨਾਮ ਬਦਲ ਕੇ ਅਬਦੁਲ ਰਸ਼ੀਦ ਰੱਖ ਲਿਆ। ਬਹੁਤ ਘੱਟ ਲੋਕ ਜਾਣਦੇ ਹੋਣਗੇ ਕਿ ਨਰਗਿਸ ਦਾ ਅਸਲੀ ਨਾਂ ਫਾਤਿਮਾ ਰਾਸ਼ਿਦ ਸੀ।
ਪੰਜ ਸਾਲ ਦੀ ਉਮਰ ‘ਚ ਬਾਲ ਕਲਾਕਾਰ ਵਜੋਂ ਕੀਤੀ ਕਰੀਅਰ ਦੀ ਸ਼ੁਰੂਆਤ
ਦੱਸ ਦੇਈਏ ਕਿ ਨਰਗਿਸ ਨੇ ਸਿਰਫ 5 ਸਾਲ ਦੀ ਉਮਰ ਵਿੱਚ ਬਾਲ ਕਲਾਕਾਰ ਦੇ ਰੂਪ ਵਿੱਚ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ। ਉਨ੍ਹਾਂ ਦੀ ਪਹਿਲੀ ਫਿਲਮ ‘ਤਲਾਸ਼-ਏ-ਹੱਕ’ ਸੀ। ਇਸ ਫਿਲਮ ‘ਚ ਨਰਗਿਸ ਦੇ ਕੰਮ ਦੀ ਕਾਫੀ ਤਾਰੀਫ ਹੋਈ ਸੀ। ਇਸ ਤੋਂ ਬਾਅਦ ਉਹ ਫਿਲਮ ‘ਤਮੰਨਾ’ ‘ਚ ਬਤੌਰ ਲੀਡ ਐਕਟਰਸ ਨਜ਼ਰ ਆਈ। ਇਹ ਫਿਲਮ 1942 ਵਿੱਚ ਰਿਲੀਜ਼ ਹੋਈ ਸੀ।
ਇਹ ਨਰਗਿਸ ਦੀਆਂ ਹਿੱਟ ਫਿਲਮਾਂ
ਨਰਗਿਸ ਨੇ ਭਾਵੇਂ ਕਈ ਫਿਲਮਾਂ ‘ਚ ਕੰਮ ਕੀਤਾ ਹੈ ਪਰ ਉਨ੍ਹਾਂ ਦੀਆਂ ਹਿੱਟ ਫਿਲਮਾਂ ਦੀ ਗੱਲ ਕਰੀਏ ਤਾਂ ‘ਮਦਰ ਇੰਡੀਆ’, ‘ਸ਼੍ਰੀ 420’, ‘ਚੋਰੀ-ਚੋਰੀ’, ‘ਅੰਦਾਜ਼’, ‘ਆਵਾਰਾ’, ‘ਬਰਸਾਤ’, ‘ਆਗ’ ਸਮੇਤ ਕਈ ਸ਼ਾਨਦਾਰ ਫਿਲਮਾਂ ਹਨ। ਸ਼ਾਮਲ ਹਨ। ਪਰ ਫਿਲਮ ‘ਮਦਰ ਇੰਡੀਆ’ ਤੋਂ ਉਸ ਨੂੰ ਜੋ ਪਛਾਣ ਮਿਲੀ, ਉਸ ਦੀ ਚਰਚਾ ਦੇਸ਼ ‘ਚ ਹੀ ਨਹੀਂ ਵਿਦੇਸ਼ਾਂ ‘ਚ ਵੀ ਹੋਈ।
ਰਾਜ ਕਪੂਰ ਲਈ ਧੜਕਿਆ ਸੀ ਨਰਗਿਸ ਦਾ ਦਿਲ
ਦੱਸਿਆ ਜਾਂਦਾ ਹੈ ਕਿ 19 ਸਾਲ ਦੀ ਉਮਰ ‘ਚ ਨਰਗਿਸ ਨੂੰ ਰਾਜ ਕਪੂਰ ਨਾਲ ਪਿਆਰ ਹੋ ਗਿਆ ਸੀ। ਪਰ ਮੁਸੀਬਤ ਇਹ ਸੀ ਕਿ ਰਾਜ ਕਪੂਰ ਪਹਿਲਾਂ ਹੀ ਵਿਆਹੇ ਹੋਏ ਸੀ, ਉਨ੍ਹਾਂ ਦੀ ਪਤਨੀ ਦਾ ਨਾਂ ਕ੍ਰਿਸ਼ਨਾ ਸੀ ਤੇ ਉਨ੍ਹਾਂ ਦੋਵਾਂ ਦੇ ਬੱਚੇ ਵੀ ਸੀ।
ਖ਼ਬਰਾਂ ਮੁਤਾਬਕ ਦੋਵੇਂ 10 ਸਾਲ ਤੱਕ ਰਿਲੇਸ਼ਨਸ਼ਿਪ ‘ਚ ਰਹੇ ਪਰ ਬਾਅਦ ‘ਚ ਨਰਗਿਸ ਨੂੰ ਪਤਾ ਲੱਗਾ ਕਿ ਉਹ ਵਿਆਹ ਨਹੀਂ ਕਰਨ ਜਾ ਰਹੇ ਹਨ। ਬਾਅਦ ‘ਚ ਉਨ੍ਹਾਂ ਦੀ ਜ਼ਿੰਦਗੀ ‘ਚ ਸੁਨੀਲ ਦੱਤ ਆਏ ਤੇ ਦੋਹਾਂ ਨੇ 11 ਮਾਰਚ 1958 ਨੂੰ ਆਰੀਆ ਸਮਾਜੀ ਰੀਤੀ-ਰਿਵਾਜਾਂ ਮੁਤਾਬਕ ਵਿਆਹ ਕਰਵਾ ਲਿਆ।
ਨਰਗਿਸ ਤੇ ਗੁਰੂ ਦੱਤ ਦੇ ਬੱਚੇ ਕੌਣ
ਨਰਗਿਸ ਤੇ ਸੁਨੀਲ ਦੱਤ ਦੇ ਤਿੰਨ ਬੱਚੇ ਸੰਜੇ ਦੱਤ, ਪ੍ਰਿਆ ਦੱਤ ਅਤੇ ਨਮਰਤਾ ਦੱਤ ਹਨ। ਨਰਗਿਸ ਸੰਜੇ ਦੱਤ ਨੂੰ ਬਹੁਤ ਪਿਆਰ ਕਰਦੀ ਸੀ। ਪਰ ਉਹ ਬਹੁਤਾ ਸਮਾਂ ਆਪਣੇ ਬੱਚਿਆਂ ਨਾਲ ਸਮਾਂ ਨਾ ਬਿਤਾ ਸਕੇ ਤੇ ਕੈਂਸਰ ਕਾਰਨ 3 ਮਈ 1981 ਨੂੰ ਅਕਾਲ ਚਲਾਣਾ ਕਰ ਗਏ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
