Sargun Mehta and Ajay Sarkaria Starrer Sidhus Of Southall: ਇਸ ਸਮੇਂ ਪੰਜਾਬੀ ਫਿਲਮਾਂ ‘ਚ ਐਕਟਰਸ ਸਰਗੁਣ ਮਹਿਤਾ ਦਾ ਸਿਤਾਰਾ ਬੁਲੰਦੀਆਂ ‘ਤੇ ਹੈ। ਉਸ ਦੀਆਂ ਬੈਕ ਟੂ ਬੈਕ ਫਿਲਮਾਂ ਰਿਲੀਜ਼ ਹੋ ਰਹੀਆਂ ਹਨ। ਇਸ ਦੇ ਨਾਲ ਹੀ ਫਿਲਮਾਂ ਹਿੱਟ ਵੀ ਹੋ ਰਹੀਆਂ ਹਨ। ਜੀ ਹਾਂ, ਸਰਗੁਣ ਦੀਆਂ ਫਿਲਮਾਂ ਨੂੰ ਫੈਨਸ ਵਲੋਂ ਖੂਬ ਪਿਆਰ ਦਿੱਤਾ ਜਾ ਰਿਹਾ ਹੈ। ਇਸ ਦੇ ਨਾਲ ਹੀ ਐਕਟਰਸ ਨੇ ਆਪਣੀ ਅਗਲੀ ਫਿਲਮ ਸਿੱਧੂਸ ਆਫ਼ ਸਾਊਥਹਾਲ ਦੀ ਪਹਿਲੀ ਝਲਕ ਸ਼ੇਅਰ ਕਰ ਦਿੱਤੀ ਹੈ।
ਸਰਗੁਣ ਮਹਿਤਾ ਤੇ ਅਜੇ ਸਰਕਾਰੀਆ ਦੇ ਸਾਰੇ ਫੈਨਸ ਉਨ੍ਹਾਂ ਦੀ ਆਉਣ ਵਾਲੀ ਫਿਲਮ ਸਿੱਧੂਸ ਆਫ ਸਾਊਥਾਲ ਦਾ ਨਵਾਂ ਪੋਸਟਰ ਵੇਖ ਕੇ ਖੁਸ਼ ਹੋ ਗਏ ਹੋਣਗੇ ਜੋ ਹੁਣ ਆਊਟ ਹੋ ਗਿਆ ਹੈ। ਨਵੇਂ ਤੇ ਕਲਰਫੁੱਲ ਪੋਸਟਰ ਦੇ ਨਾਲ, ਟੀਮ ਨੇ ਟ੍ਰੇਲਰ ਦੀ ਰਿਲੀਜ਼ ਡੇਟ ‘ਤੇ ਵੀ ਚਰਚਾ ਕੀਤੀ ਹੈ। ਸਿਧੂਸ ਆਫ ਸਾਊਥਾਲ ਦਾ ਟ੍ਰੇਲਰ ਨਿਰਮਾਤਾਵਾਂ ਵਲੋਂ 3 ਮਈ, 2023 ਨੂੰ ਦੁਪਹਿਰ 3 ਵਜੇ ਰਿਲੀਜ਼ ਕੀਤਾ ਜਾਵੇਗਾ।
ਪੋਸਟਰ ਦੀ ਗੱਲ ਕਰੀਏ ਤਾਂ ਇਹ ਸ਼ਾਨਦਾਰ ਹੈ ਤੇ ਦਰਸਾਉਂਦਾ ਹੈ ਕਿ ਫਿਲਮ ਪਾਵਰ-ਪੈਕਡ ਕਾਮੇਡੀ ਨਾਲ ਭਰੀ ਹੋਵੇਗੀ। ਲੀਡ ਜੋੜੀ ਸਰਗੁਣ ਤੇ ਅਜੇ ਇਸ ਵਿੱਚ ਬਹੁਤ ਹੀ ਹੱਸਮੁੱਖ ਲੱਗ ਰਹੇ ਹਨ। ਨਾ ਸਿਰਫ ਨਵੀਂ ਜੋੜੀ ਫਿਲਮ ਦੀ ਯੂਐਸਪੀ ਚੋਂ ਇੱਕ ਹੈ, ਸਗੋਂ ਇਹ ਫਿਲਮ ਲੋਕਾਂ ਨੂੰ ਖੂਬ ਮਨੋਰੰਜਨ ਪ੍ਰਦਾਨ ਕਰੇਗੀ। ਪੋਸਟਰ ਇਸੇ ਗੱਲ ਦਾ ਸਬੂਤ ਹੈ।
View this post on Instagram
ਫਿਲਮ ਸਿਧੂਸ ਆਫ ਸਾਊਥਾਲ ਵਿੱਚ ਅਜੇ ਵੀ ਸਰਗੁਣ ਮਹਿਤਾ, ਅਜੈ ਸਰਕਾਰੀਆ, ਪ੍ਰਿੰਸ ਕੰਵਲਜੀਤ, ਬੀਐਨ ਸ਼ਰਮਾ, ਅਤੇ ਇਫ਼ਤਿਖਾਰ ਠਾਕੁਰ ਹਨ। ਪੋਸਟਰ ਵੇਖਣ ਤੋਂ ਬਾਅਦ ਫੈਨਸ ਦਾ ਉਤਸ਼ਾਹ ਵੱਧ ਗਿਆ ਹੈ ਤੇ ਉਹ ਫਿਲਮ ਨੂੰ ਵੱਡੇ ਪਰਦੇ ‘ਤੇ ਦੇਖਣ ਲਈ ਹੋਰ ਇੰਤਜ਼ਾਰ ਨਹੀਂ ਕਰ ਸਕਦੇ।
ਸਰਗੁਣ ਤੇ ਅਜੇ ਦੀ ਆਉਣ ਵਾਲੀ ਫਿਲਮ ਸਿੱਧਸ ਆਫ ਸਾਊਥਾਲ 19 ਮਈ, 2023 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋ ਰਹੀ ਹੈ। ਇਸ ਦੌਰਾਨ, ਸਿੱਧੂਸ ਆਫ ਸਾਊਥਾਲ ਦੇ ਕ੍ਰੈਡਿਟ ਵਿੱਚ ਆਉਣ ਵਾਲੀ, ਫਿਲਮ ਨੂੰ ਵ੍ਹਾਈਟ ਹਿੱਲ ਸਟੂਡੀਓਜ਼ ਵਲੋਂ ਪੇਸ਼ ਕੀਤਾ ਗਿਆ ਹੈ। ਮੇਲ ਕਰਾਦੇ ਰੱਬਾ, ਤੇਰਾ ਮੇਰਾ ਕੀ ਰਿਸ਼ਤਾ, ਜਿੰਦੂਆ ਵਰਗੀਆਂ ਹਿੱਟ ਫਿਲਮਾਂ ਡਾਇਰੈਕਟ ਕਰਨ ਵਾਲੇ ਨਵਨੀਤ ਸਿੰਘ ਨੇ ਇਸ ਫਿਲਮ ਦਾ ਡਾਇਰੈਕਸ਼ਨ ਕੀਤਾ ਹੈ ਜਦੋਂ ਕਿ ਇਸ ਨੂੰ ਗੁਣਬੀਰ ਸਿੰਘ ਸਿੱਧੂ ਅਤੇ ਮਨਮੋਰਦ ਸਿੰਘ ਸਿੱਧੂ ਨੇ ਪ੍ਰੋਡਿਊਸ ਕੀਤਾ ਹੈ।
ਸਿੱਧੂ ਆਫ ਸਾਊਥਾਲ ਨੂੰ ਇੰਦਰਪਾਲ ਸਿੰਘ ਨੇ ਲਿਖਿਆ ਹੈ, ਫਿਲਮ ਦੇ ਡਾਇਲੌਗ ਭਿੰਡੀ ਤੋਲਾਵਾਲ ਤੇ ਪੁਸ਼ਪਿੰਦਰ ਜ਼ੀਰਾ ਨੇ ਲਿਖੇ ਹਨ। ਇਸ ਤੋਂ ਇਲਾਵਾ ਇਹ ਫਿਲਮ ਵ੍ਹਾਈਟ ਹਿੱਲ ਸਟੂਡੀਓਜ਼ ਦੇ ਬੈਨਰ ਹੇਠ ਦੁਨੀਆ ਭਰ ‘ਚ ਰਿਲੀਜ਼ ਹੋਵੇਗੀ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
