ਰੂਸ ਨੇ ਯੂਕਰੇਨ ‘ਤੇ ਹਮਲਾ ਕੀਤਾ ਹੈ ਅਤੇ ਪੂਰੀ ਦੁਨੀਆ ਇਸ ਦਾ ਵਿਰੋਧ ਕਰ ਰਹੀ ਹੈ। ਇੱਥੋਂ ਤੱਕ ਕਿ ਰੂਸ ਦੇ ਨਾਗਰਿਕ ਵੀ ਆਪਣੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਦੇ ਇਸ ਫੈਸਲੇ ਦਾ ਲਗਾਤਾਰ ਵਿਰੋਧ ਕਰ ਰਹੇ ਹਨ। ਹਜ਼ਾਰਾਂ ਰੂਸੀ ਨਾਗਰਿਕ ਰਾਜਧਾਨੀ ਕ੍ਰੇਮਲਿਨ ਵਿੱਚ ਇਕੱਠੇ ਹੋ ਕੇ ਇਸ ਜੰਗ ਦਾ ਵਿਰੋਧ ਕਰ ਰਹੇ ਹਨ। ਇੱਕ ਰੂਸੀ ਟੈਨਿਸ ਸਟਾਰ ਵੀ ਇਸ ਸੂਚੀ ਵਿੱਚ ਸ਼ਾਮਲ ਹੋ ਗਿਆ ਹੈ। ਰੂਸੀ ਟੈਨਿਸ ਖਿਡਾਰੀ ਆਂਦਰੇ ਰੁਬਲੇਵ ਨੇ ਮੈਚ ਜਿੱਤਣ ਤੋਂ ਬਾਅਦ ਇਸ ਜੰਗ ਨੂੰ ਰੋਕਣ ਲਈ ਪ੍ਰਾਰਥਨਾ ਕੀਤੀ ਹੈ।
ਦੁਬਈ ਟੈਨਿਸ ਮੁਕਾਬਲੇ ਦਾ ਸੈਮੀਫਾਈਨਲ ਮੈਚ ਜਿੱਤਣ ਤੋਂ ਬਾਅਦ ਆਂਦਰੇ ਰੁਬਲੇਵ ਕੋਰਟ ‘ਤੇ ਕੈਮਰਾਮੈਨ ਕੋਲ ਗਿਆ ਅਤੇ ਸਕ੍ਰੀਨ ‘ਤੇ ਕੁਝ ਲਿਖਣ ਲੱਗਾ। ਜਦੋਂ ਦੂਜੇ ਕੈਮਰਾਮੈਨ ਨੇ ਲਿਖੇ ਸ਼ਬਦਾਂ ‘ਤੇ ਧਿਆਨ ਕੇਂਦਰਿਤ ਕੀਤਾ ਤਾਂ ਦੇਖਿਆ ਗਿਆ ਕਿ ਰੂਬਲਵ ਨੇ ਲਾਈਵ ਕੈਮਰੇ ‘ਤੇ ‘ਨੋ ਵਾਰ ਪਲੀਜ਼’ ਲਿਖਿਆ ਹੋਇਆ ਸੀ। ਕੁਮੈਂਟੇਟਰ ਨੇ ਵੀ ਰੁਬਲੇਵ ਦੀ ਤਾਰੀਫ਼ ਕਰਨੀ ਸ਼ੁਰੂ ਕਰ ਦਿੱਤੀ। ਇਸ ਰੂਸੀ ਟੈਨਿਸ ਸਟਾਰ ਦਾ ਇਹ ਮੈਸੇਜ ਹੁਣ ਕਾਫੀ ਵਾਇਰਲ ਹੋ ਰਿਹਾ ਹੈ।
