Japan Flight Heart Attack: ਚੰਡੀਗੜ੍ਹ ਦੇ ਇੱਕ ਸੀਨੀਅਰ ਕਾਰਡੀਓਵੈਸਕੁਲਰ ਸਰਜਨ ਨੇ ਸ਼ੁੱਕਰਵਾਰ ਨੂੰ ਇੱਕ ਸਹਿ-ਯਾਤਰੀ ਦੀ ਜਾਨ ਬਚਾਈ ਜਿਸ ਨੂੰ ਜਾਪਾਨ ਤੋਂ ਉਡਾਣ ਦੌਰਾਨ ਦਿਲ ਦਾ ਦੌਰਾ ਪੈ ਗਿਆ ਸੀ। ਇਹ ਘਟਨਾ ਟੋਕੀਓ ਤੋਂ ਦਿੱਲੀ ਆ ਰਹੀ ਏਅਰ ਇੰਡੀਆ ਦੀ ਫਲਾਈਟ ਵਿੱਚ ਵਾਪਰੀ।
ਕਾਰਡੀਓਲੋਜਿਸਟ ਦੀ ਸਲਾਹ ‘ਤੇ ਜਹਾਜ਼ ਨੂੰ ਕੋਲਕਾਤਾ ਵੱਲ ਮੋੜ ਦਿੱਤਾ ਗਿਆ ਜਿੱਥੇ ਮਰੀਜ਼ ਨੂੰ ਹਸਪਤਾਲ ਲਿਜਾਇਆ ਗਿਆ ਤੇ ਉਸ ਦੀ ਜਾਨ ਬਚ ਗਈ। ਪਰ ਇਸ ਤੋਂ ਪਹਿਲਾਂ ਅਮਲੇ ਦੀ ਮਦਦ ਨਾਲ ਮਰੀਜ਼ ਨੂੰ ਬਚਾਉਣ ਲਈ ਪੰਜ ਘੰਟੇ ਦੀ ਜੱਦੋ-ਜਹਿਦ ਕਰਨੀ ਪਈ।
ਨਵੀਂ ਦਿੱਲੀ ਪਹੁੰਚਣ ‘ਤੇ ਸਰਜਨ ਦੀਪਕ ਪੁਰੀ ਨੇ ਕਿਹਾ, “ਸਾਨੂੰ ਯਕੀਨ ਨਹੀਂ ਸੀ ਕਿ ਜੇਕਰ ਫਲਾਈਟ ਨੂੰ ਚੀਨ ਵੱਲ ਮੋੜਿਆ ਗਿਆ ਤਾਂ ਸਾਨੂੰ ਮਦਦ ਮਿਲੇਗੀ। ਇਸ ਲਈ ਫਲਾਈਟ ‘ਤੇ ਉਪਲਬਧ ਸੀਮਤ ਮੈਡੀਕਲ ਸਰੋਤਾਂ ਦੇ ਨਾਲ ਮਰੀਜ਼ ਨੂੰ ਪੰਜ ਘੰਟੇ ਤੱਕ ਜ਼ਿੰਦਾ ਰੱਖਣਾ ਮੁਸ਼ਕਲ ਕੰਮ ਸੀ। ਉਨ੍ਹਾਂ ਕਿਹਾ ਕਿ ਇਹ ਖੁਸ਼ੀ ਦੀ ਗੱਲ ਹੈ ਕਿ ਏਆਈ 307 ਦੇ ਕਪਤਾਨ ਤੇ ਚਾਲਕ ਦਲ ਦੇ ਸਹਿਯੋਗ ਨਾਲ ਅਜਿਹਾ ਕੀਤਾ ਜਾ ਸਕਿਆ ਹੈ।
‘ਇਹ ਇੱਕ ਚੁਣੌਤੀਪੂਰਨ ਕੰਮ ਸੀ’
ਪੁਰੀ ਨੇ ਕਿਹਾ, “ਜਦੋਂ ਮਰੀਜ਼ ਨੂੰ ਦਿਲ ਦਾ ਦੌਰਾ ਪਿਆ, ਮੈਂ ਕਾਰਡੀਓਪਲਮੋਨਰੀ ਰੀਸਸੀਟੇਸ਼ਨ ਕੀਤੀ ਤੇ ਉਸ ਨੂੰ ਬਚਾਇਆ। ਪਰ ਅਸੀਂ ਸਮੁੰਦਰ ਦੇ ਉੱਤੇ ਸੀ ਤੇ ਸਭ ਤੋਂ ਨਜ਼ਦੀਕੀ ਮੰਜ਼ਿਲ ਕੋਲਕਾਤਾ ਸੀ – ਪੰਜ ਘੰਟੇ ਦੀ ਦੂਰੀ ‘ਤੇ। ਇਸ ਲਈ ਘੱਟੋ-ਘੱਟ ਸਰੋਤਾਂ ਨਾਲ ਇਸ ਨੂੰ ਪੰਜ ਘੰਟੇ ਤੱਕ ਸਥਿਰ ਰੱਖਣਾ ਸਾਡੇ ਲਈ ਚੁਣੌਤੀਪੂਰਨ ਕੰਮ ਸੀ।”
ਸਾਰੇ ਯਾਤਰੀਆਂ ਤੇ ਚਾਲਕ ਦਲ ਨੇ ਕੀਤੀ ਮਦਦ
ਏਅਰਲਾਈਨਾਂ ਨੇ ਕੋਲਕਾਤਾ ਵਿੱਚ ਉਤਰਨ ਲਈ ਵਿਸ਼ੇਸ਼ ਇਜਾਜ਼ਤ ਦਾ ਪ੍ਰਬੰਧ ਕੀਤਾ ਤੇ ਲੈਂਡਿੰਗ ‘ਤੇ ਉਸ ਨੂੰ ਨਜ਼ਦੀਕੀ ਦਿਲ ਦੇ ਹਸਪਤਾਲ ਲਿਜਾਣ ਲਈ ਐਂਬੂਲੈਂਸ ਦਾ ਪ੍ਰਬੰਧ ਕੀਤਾ ਅਤੇ ਮਰੀਜ਼ ਨੂੰ ਸੁਰੱਖਿਅਤ ਢੰਗ ਨਾਲ ਤਬਦੀਲ ਕਰਨ ਦੇ ਯੋਗ ਹੋ ਗਏ। ਭਾਵੁਕ ਹੋ ਕੇ ਪੁਰੀ ਨੇ ਕਿਹਾ, “ਸਾਰੇ ਯਾਤਰੀਆਂ ਅਤੇ ਚਾਲਕ ਦਲ ਦੇ ਮੈਂਬਰਾਂ ਨੇ ਮੇਰੀ ਬਹੁਤ ਸ਼ਲਾਘਾ ਕੀਤੀ… ਮੇਰੀਆਂ ਅੱਖਾਂ ਵਿੱਚ ਹੰਝੂ ਆ ਗਏ।”
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
