ਦੇਵੀ ਕਾਲੀ ‘ਤੇ ਪੋਸਟਰ ਵਿਵਾਦ ਦਰਮਿਆਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਵੱਡਾ ਬਿਆਨ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਮਾਂ ਕਾਲੀ ਸਮੁੱਚੇ ਭਾਰਤ ਦੀ ਸ਼ਰਧਾ ਦਾ ਕੇਂਦਰ ਹੈ। ਉਨ੍ਹਾਂ ਦਾ ਆਸ਼ੀਰਵਾਦ ਦੇਸ਼ ‘ਤੇ ਬਣਿਆ ਰਹੇ। ਦੇਸ਼ ਵਿੱਚ ਮਾਂ ਕਾਲੀ ਦੇ ਪੋਸਟਰ ਨੂੰ ਲੈ ਕੇ ਚੱਲ ਰਹੇ ਵਿਵਾਦ ਦਰਮਿਆਨ ਪ੍ਰਧਾਨ ਮੰਤਰੀ ਦਾ ਇਹ ਪਹਿਲਾ ਬਿਆਨ ਹੈ। ਦਰਅਸਲ, ਪੀਐਮ ਮੋਦੀ ਐਤਵਾਰ ਨੂੰ ਸਵਾਮੀ ਆਤਮਸਥਾਨੰਦ ਦੇ ਸ਼ਤਾਬਦੀ ਸਮਾਰੋਹ ਨੂੰ ਸੰਬੋਧਨ ਕਰ ਰਹੇ ਸਨ। ਇਸ ਦੌਰਾਨ ਉਨ੍ਹਾਂ ਮਾਂ ਕਾਲੀ ਬਾਰੇ ਵੀ ਚਰਚਾ ਕੀਤੀ।
ਪ੍ਰਧਾਨ ਮੰਤਰੀ ਨੇ ਕਿਹਾ, ਸਵਾਮੀ ਰਾਮਕ੍ਰਿਸ਼ਨ ਪਰਮਹੰਸ, ਇੱਕ ਅਜਿਹੇ ਸੰਤ ਸਨ, ਜਿਨ੍ਹਾਂ ਕੋਲ ਮਾਂ ਕਾਲੀ ਦੇ ਸਪਸ਼ਟ ਦਰਸ਼ਨ ਸਨ, ਜਿਨ੍ਹਾਂ ਨੇ ਆਪਣਾ ਸਾਰਾ ਜੀਵਨ ਮਾਂ ਕਾਲੀ ਦੇ ਚਰਨਾਂ ਵਿੱਚ ਸਮਰਪਿਤ ਕਰ ਦਿੱਤਾ ਸੀ। ਉਹ ਕਹਿੰਦੇ ਸਨ – ਇਹ ਸਾਰਾ ਸੰਸਾਰ, ਇਹ ਪਰਿਵਰਤਨਸ਼ੀਲ ਅਤੇ ਨਿਰੰਤਰ, ਸਭ ਕੁਝ ਮਾਂ ਦੀ ਚੇਤਨਾ ਦੁਆਰਾ ਵਿਆਪਕ ਹੈ। ਪੀਐਮ ਨੇ ਕਿਹਾ, ਇਹ ਚੇਤਨਾ ਬੰਗਾਲ ਦੀ ਕਾਲੀ ਪੂਜਾ ਵਿੱਚ ਦਿਖਾਈ ਦਿੰਦੀ ਹੈ। ਇਹੀ ਚੇਤਨਾ ਬੰਗਾਲ ਅਤੇ ਪੂਰੇ ਭਾਰਤ ਦੀ ਆਸਥਾ ਵਿੱਚ ਦਿਖਾਈ ਦਿੰਦੀ ਹੈ ਅਤੇ ਜਦੋਂ ਵਿਸ਼ਵਾਸ ਇਨ੍ਹਾਂ ਸ਼ੁੱਧ ਹੁੰਦਾ ਹੈ ਤਾਂ ਸ਼ਕਤੀ ਸਾਡੀ ਅਗਵਾਈ ਕਰਦੀ ਹੈ। ਉਨ੍ਹਾਂ ਕਿਹਾ ਕਿ ਮਾਂ ਕਾਲੀ ਦਾ ਅਸੀਮ ਅਤੇ ਆਸ਼ੀਰਵਾਦ ਭਾਰਤ ‘ਤੇ ਹੈ। ਅੱਜ ਭਾਰਤ ਇਸ ਆਤਮਿਕ ਊਰਜਾ ਨਾਲ ਵਿਸ਼ਵ ਕਲਿਆਣ ਦੀ ਭਾਵਨਾ ਨਾਲ ਅੱਗੇ ਵੱਧ ਰਿਹਾ ਹੈ।
