Khan Saab in TKSS: ‘ਜ਼ਿੰਦਗੀ ਤੇਰੇ ਨਾਲ’, ‘ਜੀ ਖੜਦਾ’, ‘ਰਿਮ ਝਿਮ’, ‘ਸਜਨਾ’, ‘ਨਰਾਜਗੀ’ ਵਰਗੇ ਗਾਣਿਆਂ ਲਈ ਫੇਮਸ ਪੰਜਾਬੀ ਸਿੰਗਰ ਤੇ ਗੀਤਕਾਰ ਖ਼ਾਨ ਸਾਬ ਜਲਦ ਹੀ ਫੈਨਸ ਦੇ ਸਾਹਮਣੇ ਛੋਟੇ ਪਰਦੇ ‘ਤੇ ਨਜ਼ਰ ਆਉਣ ਵਾਲੇ ਹਨ। ਦੱਸ ਦਈਏ ਕਿ ਇਹ ਪੰਜਾਬੀ ਸਿੰਗਰ ਹੁਣ ਕਪਿਲ ਸ਼ਰਮਾ ਦੇ ਨਾਲ ਸਕਰੀਨ ਸ਼ੇਅਰ ਕਰਦਾ ਨਜ਼ਰ ਆਵੇਗਾ। ਇਸ ਦੇ ਨਾਲ ਹੀ ਦੱਸ ਦਈਏ ਕਿ ਇਹ ਦੋਵੇਂ ਸਟਾਰਸ ਇਸ ਹਫ਼ਤੇ ‘ਦ ਕਪਿਲ ਸ਼ਰਮਾ ਸ਼ੋਅ’ ‘ਚ ਨਜ਼ਰ ਆਉਣਗੇ।
ਇਸ ਵਾਰ ਕਪਿਲ ਸ਼ਰਮਾ ਸ਼ੋਅ ‘ਚ ਨਜ਼ਰ ਆਉਣ ਵਾਲੇ ਸਿੰਗਰ ਖ਼ਾਨ ਸਾਬ ਇੱਥੇ ਆਪਣੇ ਇਸ ਫੇਮਸ ਨਾਂਅ ਬਾਰੇ ਖੁਲਾਸਾ ਕਰਨਗੇ। ਜਿਸ ਬਾਰੇ ਗੱਲ ਕਰਦਿਆਂ ਖ਼ਾਨ ਸਾਬ ਨੇ ਦੱਸਿਆ ਕਿ ਉਨ੍ਹਾਂ ਦਾ ਸਟੇਜ ਦਾ ਨਾਂ ਕਿਵੇਂ ਬਣਿਆ। ਇਹ ਸਟਾਰ ਜਿਸਦਾ ਅਸਲੀ ਨਾਂ ਇਮਰਾਨ ਖ਼ਾਨ ਹੈ ‘ਦ ਕਪਿਲ ਸ਼ਰਮਾ ਸ਼ੋਅ’ ‘ਤੇ ਕਹਿੰਦਾ ਹੈ ਕਿ ਇਹ ਨਾਮ ਉਸਨੂੰ ਗੁਰਮੁਖ ਸਿੰਘ ਸੰਧੂ ਯਾਨੀ ਗੈਰੀ ਸੰਧੂ ਨੇ ਦਿੱਤਾ ਸੀ।
ਗੈਰੀ ਨੇ 2010 ਵਿੱਚ ’ਮੈਂ’ਤੁਸੀਂ ਨਹੀਂ ਪਿੰਡ’ ਨਾਲ ਆਪਣੀ ਗਾਇਕੀ ਦੀ ਸ਼ੁਰੂਆਤ ਕੀਤੀ ਅਤੇ ‘ਰੋਮੀਓ ਰਾਂਝਾ’ ਵਰਗੀਆਂ ਪੰਜਾਬੀ ਫਿਲਮਾਂ ਵਿੱਚ ਵੀ ਕੰਮ ਕੀਤਾ। ਖਾਨ ਸਾਬ ਨੇ ਸ਼ੇਅਰ ਕੀਤਾ, “ਮੇਰਾ ਅਸਲੀ ਨਾਂਅ ਇਮਰਾਨ ਖ਼ਾਨ ਹੈ ਜੋ ਮੈਨੂੰ ਮੇਰੇ ਪਰਿਵਾਰ ਨੇ ਦਿੱਤਾ ਸੀ। ਪਰ ਗੈਰੀ ਸੰਧੂ ਪਾਜੀ ਨਾਲ ਕੰਮ ਕਰਦੇ ਸਮੇਂ ਉਹ ਨੇ ਮੈਨੂੰ ‘ਖਾਨ’ ਕਹਿੰਦੇ ਸੀ।”
ਖ਼ਾਨ ਸਾਬ ਨੇ ਅੱਗੇ ਕਿਹਾ ਕਿ ਜਦੋਂ ਉਹ ਗੈਰੀ ਨਾਲ ‘ਰਿਮ ਝਿਮ’ ਦੇ ਟਰੈਕ ਲਈ ਰਿਕਾਰਡਿੰਗ ਕਰ ਰਿਹਾ ਸੀ ਤਾਂ ਉਨ੍ਹਾਂ ਨੇ ਉਸ ਨੂੰ ਉਹ ਨਾਂ ਪੁੱਛਿਆ ਜਿਸ ਨਾਲ ਉਹ (ਗੈਰੀ) ਉਸ (ਖ਼ਾਨ) ਨੂੰ ਬੁਲਾ ਸਕਦੈ ਤਾਂ ਉਸ ਨੇ ਕਿਹਾ ਕਿ ਜਿਵੇਂ ਉਹ ਹਮੇਸ਼ਾ ਉਸ ਨੂੰ ਖਾਨ ਸਾਬ ਕਹਿਦੇ ਹਨ ਤਾਂ ਇਹੀ ਉਸ ਦਾ ਨਾਂਅ ਹੋ ਸਕਦਾ ਹੈ।
ਉਨ੍ਹਾਂ ਕਿਹਾ ਕਿ ਇਸ ਤੋਂ ਬਾਅਦ ਮੈਂ ਇਸੇ ਨਾਂਅ ‘ਤੇ ਕਾਇਮ ਰਹਿਣ ਦਾ ਫੈਸਲਾ ਕੀਤਾ ਅਤੇ ਇਸ ਤਰ੍ਹਾਂ ਖ਼ਾਨ ਸਾਬ ਹੋਂਦ ਵਿਚ ਆਇਆ। ਇਸ ਦੇ ਨਾਲ ਇਸ ਸ਼ੋਅ ਦੌਰਾਨ ਖ਼ਾਨ ਸਾਬ ਨੇ ਕਿਹਾ, “ਮੈਂ ਗੈਰੀ ਪਾਜੀ ਦਾ ਦਿਲੋਂ ਧੰਨਵਾਦੀ ਹਾਂ ਕਿ ਉਨ੍ਹਾਂ ਨੇ ਮੈਨੂੰ ਇਹ ਨਾਂ ਦਿੱਤਾ, ਮੈਂ ਹਮੇਸ਼ਾ ਉਨ੍ਹਾਂ ਦਾ ਧੰਨਵਾਦੀ ਰਹਾਂਗਾ।”
ਦੱਸ ਦਈਏ ਕਿ ਕਪਿਲ ਸ਼ਰਮਾ ਸ਼ੋਅ ‘ਚ ਖ਼ਾਨ ਸਾਬ ਦੇ ਨਾਲ ਇਸ ਹਫ਼ਤੇ ਕੱਵਾਲੀ ਅਤੇ ਸੂਫੀ ਗਾਇਕ ਸਾਬਰੀ ਬ੍ਰਦਰਜ਼ (ਆਫਤਾਬ ਸਾਬਰੀ ਅਤੇ ਹਾਸ਼ਿਮ ਸਾਬਰੀ), ਖਾਨ ਸਾਬਰੀ ਅਤੇ ਅਲੀ ਬ੍ਰਦਰਜ਼ (ਪਰਵੇਜ਼ ਹਸਨ, ਪਰਵੇਜ਼ ਬਬਲੂ ਅਤੇ ਸ਼ਾਹਰੁਖ) ਇਸ ਹਫ਼ਤੇ ਦੇ ਕਪਿਲ ਸ਼ਰਮਾ ਸ਼ੋਅ ਵਿੱਚ ਮਸ਼ਹੂਰ ਮਹਿਮਾਨਾਂ ਦੇ ਰੂਪ ਵਿੱਚ ਦਿਖਾਈ ਦੇਣਗੇ।
