Allu Arjun Helps Young Girl: ਸਾਊਥ ਸੁਪਰਸਟਾਰ ‘ਪੁਸ਼ਪਾ’ ਅੱਲੂ ਅਰਜੁਨ ਪਰਦੇ ‘ਤੇ ਤਾਂ ਹੀਰੋ ਹੈ ਹੀ, ਨਾਲ ਹੀ ਹੁਣ ਉਨ੍ਹਾਂ ਨੇ ਸਾਬਤ ਕੀਤਾ ਹੈ ਕਿ ਉਸ ਅਸਲ ਲਾਈਫ ‘ਚ ਵੀ ਕਿਸੇ ਸੁਪਰਸਟਾਰ ਤੋਂ ਘੱਟ ਨਹੀਂ ਹਨ। ਹੁਣ ਜੋ ਤਾਜ਼ਾ ਖ਼ਬਰ ਸਾਹਮਣੇ ਆਈ ਹੈ, ਉਸ ਨੇ ਲੋਕਾਂ ਨੂੰ ਇਹ ਯਕੀਨ ਦਿਵਾਇਆ ਹੈ ਕਿ ਅੱਲੂ ਅਰਜੁਨ ਅਸਲ ਜ਼ਿੰਦਗੀ ‘ਚ ਵੀ ਹੀਰੋ, ਬਹੁਤ ਵਧੀਆ ਅਤੇ ਨੇਕ ਵਿਅਕਤੀ ਹੈ।
ਦੱਸ ਦਈਏ ਕਿ ਉਨ੍ਹਾਂ ਨੂੰ ਕੇਰਲ ਦੀ ਇੱਕ ਕੁੜੀ ਨੇ ਮਦਦ ਲਈ ਬੇਨਤੀ ਕੀਤੀ, ਜਿਸ ਨੂੰ ਐਕਟਰ ਨੇ ਨਾ ਸਿਰਫ ਸੁਣਿਆ ਸਗੋਂ ਉਸ ‘ਤੇ ਆਪਣੀ ਪ੍ਰਤੀਕਿਰਿਆ ਵੀ ਦਿੱਤੀ। ਜੇਕਰ ਤੁਸੀਂ ਸੋਚ ਰਹੇ ਹੋ ਕਿ ਅਜਿਹਾ ਕੀ ਹੋਇਆ ਤੇ ਅੱਲੂ ਅਰਜੁਨ ਨੇ ਅਜਿਹੀ ਕਿਹੜੀ ਮਦਦ ਕੀਤੀ ਹੈ ਕਿ ਲੋਕ ਉਨ੍ਹਾਂ ਦੀ ਤਾਰੀਫ ਕਰ ਰਹੇ ਹਨ, ਤਾਂ ਦੱਸ ਦਈਏ ਕਿ ਅਲਾਪੁਝਾ ਕਲੈਕਟਰ, ਵੀਆਰ ਕ੍ਰਿਸ਼ਨਾ ਤੇਜਾ ਨੇ ਆਪਣੀ ਫੇਸਬੁੱਕ ਪੋਸਟ ਰਾਹੀਂ ਇਸ ਦੀ ਜਾਣਕਾਰੀ ਦਿੱਤੀ ਹੈ।
ਅੱਲੂ ਅਰਜੁਨ ਨੇ ਬੱਚੀ ਵੱਲ ਵਧਾਇਆ ਮਦਦ ਦਾ ਹੱਥ:
ਅਲਾਪੁਝਾ ਕਲੈਕਟਰ ਨੇ ਦੱਸਿਆ ਕਿ ਅੱਲੂ ਅਰਜੁਨ ਨੇ ਇੱਕ ਮੁਸਲਿਮ ਲੜਕੀ ਦੀ ਪੜ੍ਹਾਈ ਪੂਰੀ ਕਰਨ ਵਿੱਚ ਮਦਦ ਕਰਨ ਦਾ ਐਲਾਨ ਕੀਤਾ ਹੈ। ਹੋਇਆ ਇਹ ਕਿ ਕੇਰਲ ਦੀ ਇੱਕ ਮੁਸਲਿਮ ਕੁੜੀ ਆਪਣੀ ਪੜ੍ਹਾਈ ਪੂਰੀ ਕਰਨ ਲਈ ਮਦਦ ਚਾਹੁੰਦੀ ਸੀ ਤੇ ਇਸ ਸਬੰਧੀ ਉਹ ਅੱਲੂ ਅਰਜੁਨ ਨੂੰ ਮਿਲਣ ਆਈ ਸੀ।
12ਵੀਂ ਜਮਾਤ ‘ਚ ਇਸ ਲੜਕੀ ਨੇ 92% ਅੰਕ ਹਾਸਲ ਕੀਤੇ ਸੀ ਪਰ ਇਸ ਦੇ ਬਾਵਜੂਦ ਉਹ ਆਪਣੀ ਪੜ੍ਹਾਈ ਜਾਰੀ ਨਹੀਂ ਰੱਖ ਸਕੀ ਕਿਉਂਕਿ ਉਸਦੇ ਪਿਤਾ ਦੀ ਕੋਵਿਡ ਵਿੱਚ ਮੌਤ ਹੋ ਗਈ ਸੀ। ਇਹ ਲੜਕੀ ਭਵਿੱਖ ‘ਚ ਨਰਸ ਬਣਨਾ ਚਾਹੁੰਦੀ ਹੈ ਤੇ ਉਸਦੀ ਪੜ੍ਹਾਈ ਲਈ ਕਲੈਕਟਰ ਨੇ ਉਸ ਨੂੰ ਇੱਕ ਪ੍ਰਾਈਵੇਟ ਕਾਲਜ ਵਿੱਚ ਦਾਖਲਾ ਦਿਵਾਇਆ, ਫਿਰ ਫੀਸ ਭਰਨ ਲਈ ਅੱਲੂ ਅਰਜੁਨ ਨੂੰ ਅਪ੍ਰੋਚ ਕੀਤਾ ਗਿਆ।
ਸਾਰੀ ਗੱਲ ਸੁਣ ਕੇ ਅੱਲੂ ਅਰਜੁਨ ਨੇ ਨਾ ਸਿਰਫ ਇੱਕ ਸਾਲ ਦੀ ਕਾਲਜ ਫੀਸ ਦੇਣ ਦਾ ਵਾਅਦਾ ਕੀਤਾ, ਸਗੋਂ ਐਕਟਰ ਨੇ ਕਿਹਾ ਕਿ ਉਹ ਲੜਕੀ ਦੇ ਹੋਸਟਲ ਦੀ ਫੀਸ ਦੇ ਨਾਲ-ਨਾਲ ਉਸ ਦਾ ਪੂਰੇ ਚਾਰ ਸਾਲ ਦਾ ਕੋਰਸ ਸਪਾਂਸਰ ਕਰਨਗੇ। ਆਪਣੀ ਫੇਸਬੁੱਕ ਪੋਸਟ ਵਿੱਚ, ਕੁਲੈਕਟਰ ਨੇ ਅੱਲੂ ਅਰਜੁਨ, ਕਾਲਜ ਪ੍ਰਸ਼ਾਸਨ ਅਤੇ ਮਦਦ ਕਰਨ ਵਾਲੇ ਹੋਰ ਲੋਕਾਂ ਦਾ ਧੰਨਵਾਦ ਕੀਤਾ।
