ਬਦਲਿਆ ਗਿਆ Ram Charan ਦੀ RC15 ਨਾਂ, ਫਿਲਮ ‘ਚ ਕਿਆਰਾ ਅਡਵਾਨੀ ਨਾਲ ਬਣੀ ਜੋੜੀ

Ram Charan Film Game Changer Title Announcement: ਦੱਖਣੀ ਸਿਨੇਮਾ ਦੇ ਸੁਪਰਸਟਾਰ ਰਾਮ ਚਰਨ 27 ਮਾਰਚ ਨੂੰ ਆਪਣਾ 38ਵਾਂ ਜਨਮਦਿਨ ਮਨਾ ਰਹੇ ਹਨ। ਇਸ ਮੌਕੇ ‘ਤੇ ਪ੍ਰਸ਼ੰਸਕਾਂ ਦੇ ਨਾਲ-ਨਾਲ ਮਸ਼ਹੂਰ ਹਸਤੀਆਂ ਵੀ ਉਨ੍ਹਾਂ ਨੂੰ ਵਧਾਈਆਂ ਦੇ ਰਹੀਆਂ ਹਨ। ਆਪਣੇ ਜਨਮਦਿਨ ਦੇ ਮੌਕੇ ‘ਤੇ ਰਾਮ ਚਰਨ ਨੇ ਫੈਨਸ ਨੂੰ ਵੱਡਾ ਤੋਹਫਾ ਦਿੱਤਾ ਹੈ।

ਅਸਲ ‘ਚ ਫਿਲਮ ‘RRR’ ਤੋਂ ਬਾਅਦ ਰਾਮ ਚਰਮ ਨੇ ਆਪਣੇ ਜਨਮਦਿਨ ‘ਤੇ ਆਪਣੀ ਆਉਣ ਵਾਲੀ ਫਿਲਮ ਦੇ ਟਾਈਟਲ ਦਾ ਐਲਾਨ ਕੀਤਾ ਹੈ। ਰਾਮ ਚਰਨ ਦੀ ਇਸ ਫਿਲਮ ਦਾ ਨਾਂ ‘ਗੇਮਚੇਂਜਰ’ ਹੋਵੇਗਾ। ਇਸ ਫਿਲਮ ‘ਚ ਰਾਮ ਚਰਨ ਦੇ ਨਾਲ ਅਭਿਨੇਤਰੀ ਕਿਆਰਾ ਅਡਵਾਨੀ ਵੀ ਮੁੱਖ ਭੂਮਿਕਾ ਨਿਭਾਏਗੀ। ਦੱਸ ਦੇਈਏ ਕਿ ਮੈਗਾ ਸਟਾਰ ਰਾਮ ਚਰਨ ਸਟਾਰਰ ਫਿਲਮ ‘ਗੇਮ ਚੇਂਜਰ’ ਇਕ ਪੋਲੀਟੀਕਲ ਥ੍ਰਿਲਰ ਫਿਲਮ ਹੋਵੇਗੀ।

‘ਗੇਮਚੇਂਜਰ’ ਦੇ ਟੀਜ਼ਰ ਦੀ ਸ਼ੁਰੂਆਤ ‘ਚ ਪਹਿਲਾਂ ਇਕ ਸਿਆਸੀ ਪ੍ਰਤੀਕ ਨਜ਼ਰ ਆਉਂਦਾ ਹੈ, ਫਿਰ ਬਾਅਦ ‘ਚ ਇਕ ਰਾਜਾ ਵੀ ਸ਼ਤਰੰਜ ਦੀ ਖੇਡ ‘ਚ ਕਈ ਮੋਹਰਾਂ ਦੇ ਵਿਚਕਾਰ ਖੜ੍ਹਾ ਨਜ਼ਰ ਆਉਂਦਾ ਹੈ। ਰਾਮ ਚਰਨ ਦੀ ਇਸ ਆਉਣ ਵਾਲੀ ਫਿਲਮ ‘ਗੇਮ ਚੇਂਜਰ’ ਦਾ ਨਿਰਦੇਸ਼ਨ ਸ਼ੰਕਰ ਨੇ ਕੀਤਾ ਹੈ। ਫਿਲਮ ਦਾ ਨਿਰਮਾਣ ਰਾਜੂ ਅਤੇ ਸ਼ਿਰੀਸ਼ ਨੇ ਕੀਤਾ ਹੈ।

 

View this post on Instagram

 

A post shared by Ram Charan (@alwaysramcharan)

ਇਸ ਫਿਲਮ ‘ਚ ਰਾਮ ਚਰਨ ਅਤੇ ਕਿਆਰਾ ਅਡਵਾਨੀ ਦੇ ਨਾਲ-ਨਾਲ ਐਕਟਰਸ ਅੰਜਲੀ, ਐੱਸਜੇ ਸੂਰਯਾ, ਸ਼੍ਰੀਕਾਂਤ ਅਤੇ ਸੁਨੀਲ ਵੀ ਮੁੱਖ ਭੂਮਿਕਾਵਾਂ ਨਿਭਾਉਂਦੇ ਨਜ਼ਰ ਆਉਣਗੇ। ਫਿਲਮ ਨੂੰ ਐਸ.ਯੂ ਵੈਂਕਟੇਸ਼ਨ, ਫਰਹਾਦ ਸਾਮਜੀ ਅਤੇ ਵਿਵੇਕ ਨੇ ਲਿਖਿਆ ਹੈ। ਰਾਮ ਚਰਨ ਦੀ ਇਸ ਆਉਣ ਵਾਲੀ ਫਿਲਮ ਨੂੰ ਲੈ ਕੇ ਫੈਨਸ ‘ਚ ਭਾਰੀ ਉਤਸ਼ਾਹ ਦੇਖਿਆ ਜਾ ਰਿਹਾ ਹੈ। ਕਿਉਂਕਿ ‘ਗੇਮ ਚੇਂਜਰ’ ਦੇ ਟਾਈਟਲ ਵੀਡੀਓ ਨੂੰ ਹੁਣ ਤੱਕ ਯੂਟਿਊਬ ‘ਤੇ 515K ਤੋਂ ਵੱਧ ਵਿਊਜ਼ ਮਿਲ ਚੁੱਕੇ ਹਨ।

ਦੱਸ ਦੇਈਏ ਕਿ ਫਿਲਮ ‘ਆਰਆਰਆਰ’ ਤੋਂ ਬਾਅਦ ਪ੍ਰਸ਼ੰਸਕ ਰਾਮ ਚਰਨ ਦੀ ਆਉਣ ਵਾਲੀ ਫਿਲਮ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਸਨ। ਅਜਿਹੇ ‘ਚ ਰਾਮ ਚਰਨ ਨੇ ਆਖਿਰਕਾਰ ਆਪਣੇ ਜਨਮਦਿਨ ‘ਤੇ ਪ੍ਰਸ਼ੰਸਕਾਂ ਨੂੰ ਵੱਡਾ ਤੋਹਫਾ ਦਿੱਤਾ ਹੈ।

ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।

TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP

APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:

Android: https://bit.ly/3VMis0h

iOS: https://apple.co/3F63oER