ਪੰਜਾਬ ‘ਚ ਅੱਜਕਲ੍ਹ ਦਿਨ ਦਿਹਾੜੇ ਲੁੱਟਾਂ ਖੋਹਾਂ ਦੀਆਂ ਵਾਰਦਾਤਾਂ ਵੱਧ ਰਹੀਆਂ ਹਨ ।ਲੁਧਿਆਣਾ ਸ਼ਹਿਰ ‘ਚ ਕਸਬਾ ਖੰਨਾ ਦੇ ਪਿੰਡ ਰੋਹਣੋ ਖੁਰਦ ‘ਚ ਲੁਟੇਰਿਆਂ ਨੇ 25 ਲੱਖ ਦੀ ਲੁੱਟ ਦੀ ਵਾਰਦਾਤ ਨੂੰ ਅੰਜਾਮ ਦਿੱਤਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਸਵੇਰੇ 5 ਵਜੇ ਲੁਟੇਰੇ ਕਿਸਾਨ ਦੇ ਘਰ ਪਹੁੰਚੇ। ਲੁਟੇਰਿਆਂ ਕੋਲ ਪਿਸਤੌਲ ਵੀ ਸਨ। ਘਰ ਦੇ ਅੰਦਰ ਦਾਖਲ ਹੁੰਦੇ ਹੀ ਲੁਟੇਰਿਆਂ ਨੇ ਕਿਹਾ ਕਿ ਉਹ ਇਨਕਮ ਟੈਕਸ ਵਿਭਾਗ ਦੇ ਅਧਿਕਾਰੀ ਹਨ। ਜਿਸ ਤੋਂ ਬਾਅਦ ਉਹਨਾਂ ਨੇ ਕਿਸਾਨ ਨੂੰ ਬੰਦੂਕ ਦੀ ਨੋਕ ‘ਤੇ ਲੈ ਲਿਆ ਅਤੇ ਪੂਰੇ ਘਰ ਦੀ ਤਲਾਸ਼ੀ ਲਈ।
ਇਹ ਵੀ ਪੜ੍ਹੋ : 4 ਫੁੱਟ ਲੰਬੇ 103 ਸਾਲ ਦੇ ਭਾਰਤੀ ਬਾਡੀ ਬਿਲਡਰ: ਜੇਲ੍ਹ ‘ਚ ਬਣਾਈ ਬਾਡੀ, ਦੰਦਾਂ ਨਾਲ ਮੋੜ ਦਿੰਦਾ ਸਲਾਖਾਂ
ਕਿਸਾਨ ਦੇ ਘਰ 25 ਲੱਖ ਰੁਪਏ ਪਏ ਸਨ, ਜਿਸ ਨੂੰ ਲੈ ਕੇ ਲੁਟੇਰੇ ਫ਼ਰਾਰ ਹੋ ਗਏ। ਕਿਸਾਨ ਨੇ ਜ਼ਮੀਨ ਵੇਚੀ ਸੀ, ਜਿਸ ਦੀ ਪੇਮੈਂਟ ਉਸ ਦੇ ਘਰ ਪਈ ਸੀ। ਇਸ ਪੇਮੈਂਟ ਨਾਲ ਉਸ ਨੇ ਅੱਗੇ ਨਵੀਂ ਜ਼ਮੀਨ ਖਰੀਦਣੀ ਸੀ ਪਰ ਐਤਵਾਰ ਸ਼ਾਮ 5 ਵਜੇ ਆਏ ਨਕਾਬਪੋਸ਼ ਲੁਟੇਰਿਆਂ ਨੇ ਪੈਸੇ ਲੁੱਟ ਲਏ। ਲੁਟੇਰਿਆਂ ਦੇ ਚਲੇ ਜਾਣ ਤੋਂ ਬਾਅਦ ਕਿਸਾਨ ਨੇ ਲੁੱਟ ਦੀ ਸੂਚਨਾ ਪੁਲੀਸ ਨੂੰ ਦਿੱਤੀ।
ਪੀੜਤ ਕਿਸਾਨ ਦੀ ਪਛਾਣ ਸੱਜਣ ਸਿੰਘ ਪਿੰਡ ਰੋਹਣੋਂ ਵਜੋਂ ਹੋਈ ਹੈ। ਘਟਨਾ ਦਾ ਪਤਾ ਲੱਗਦਿਆਂ ਹੀ ਡੀਐਸਪੀ ਵਿਲੀਅਮ ਜੈਜ਼ੀ ਅਤੇ ਥਾਣਾ ਇੰਚਾਰਜ ਨਛੱਤਰ ਸਿੰਘ ਮੌਕੇ ’ਤੇ ਪੁੱਜੇ। ਦੱਸਿਆ ਜਾ ਰਿਹਾ ਹੈ ਕਿ ਪੁਲਸ ਨੂੰ ਬਦਮਾਸ਼ਾਂ ਦੀ ਕਾਰ ਦੀ ਸੀਸੀਟੀਵੀ ਫੁਟੇਜ ਮਿਲੀ ਹੈ। ਉਥੇ ਬਦਮਾਸ਼ਾਂ ਦੀ ਗਿਣਤੀ ਕਿੰਨੀ ਸੀ, ਇਹ ਅਜੇ ਸਪੱਸ਼ਟ ਨਹੀਂ ਹੈ। ਬਦਮਾਸ਼ ਚਿੱਟੇ ਰੰਗ ਦੀ ਕਾਰ ਵਿੱਚ ਆਏ ਸਨ।
ਇਹ ਵੀ ਪੜ੍ਹੋ : ’25 ਪਿੰਡਾਂ’ ਗੀਤ ਨੂੰ ਲੈ ਕੇ ਵਿਵਾਦਾ ‘ਚ ਪੰਜਾਬੀ ਰੈਪਰ ਹਨੀ ਸਿੰਘ, ਲੱਗੇ ਇਹ ਇਲਜ਼ਾਮ (ਵੀਡੀਓ)
