Shehnaaz Gill ਇੱਕ ਅਵਾਰਡ ਸਮਾਗਮ ਲਈ ਦੁਬਈ ਵਿੱਚ ਹੈ ਤੇ ਆਪਣੇ ਫੈਨਸ ਨੂੰ ਅਰਬ ਦੇਸ਼ ਵਿੱਚ ਆਪਣੇ ਅਨੁਭਵਾਂ ਬਾਰੇ ਅਪਡੇਟ ਕਰ ਰਹੀ ਹੈ। ਆਪਣੀ ਰੈੱਡ ਕਾਰਪੇਟ ਲੁੱਕ ਨਾਲ ਫੈਨਸ ਨੂੰ ਹੈਰਾਨ ਕਰਨ ਤੋਂ ਬਾਅਦ ਅਤੇ ਆਪਣਾ ਪੁਰਸਕਾਰ ਸਿਧਾਰਥ ਸ਼ੁਕਲਾ ਨੂੰ ਡੈਡੀਟੇਕ ਕਰਨ ਤੋਂ ਬਾਅਦ ਉਸਨੇ ਹੁਣ ਇੱਕ ਵੀਡੀਓ ਸਾਂਝਾ ਕੀਤਾ ਹੈ ਜਿਸ ਵਿੱਚ ਇੱਕ ਹੋਟਲ ਦੇ ਕਮਰੇ ਵਿੱਚ ਹੁਣ ਸ਼ਹਿਨਾਜ਼ ਦੀ ਮੁਲਾਕਾਤ ਇੱਕ ਸ਼ੇਰ ਦੇ ਬੱਚੇ ਨਾਲ ਹੋਈ। ਜਿਸ ਦੀ ਵੀਡੀਓ ਉਸ ਨੇ ਆਪਣੇ ਇੰਸਟਾਗ੍ਰਾਮ ਅਕਾਉਂਟ ‘ਤੇ ਸ਼ੇਅਰ ਕੀਤੀ।
ਐਕਟਰਸ ਇਸ ਨੂੰ ਵੇਖ ਕੇ ਡਰੀ ਹੋਈ ਨਜ਼ਰ ਆਈ। ਦੱਸ ਦਈਏ ਕਿ ਸ਼ੇਰ ਦਾ ਬੱਚਾ ਉਸਦੀ ਟੀਮ ਵਲੋਂ ਘਿਰੇ ਹੋਟਲ ਦੇ ਕਮਰੇ ‘ਚ ਘੁੰਮਦਾ ਨਜ਼ਰ ਆਇਆ। ਉਹ ਕਮਰੇ ਵੱਲ ਕੁਝ ਕਦਮ ਚੁੱਕਦੀ ਹੈ ਪਰ ਜਾਨਵਰ ਨੂੰ ਦੇਖਦਿਆਂ ਹੀ ਤੁਰੰਤ ਭੱਜ ਜਾਂਦੀ ਹੈ। ਵੀਡੀਓ ‘ਚ ਸ਼ਹਿਨਾਜ਼ ਇਹ ਪੁੱਛਦੀ ਹੋਈ ਨਜ਼ਰ ਆ ਰਹੀ ਹੈ, ”ਮੇਰੇ ਕੋਲ ਤਾਂ ਨਹੀਂ ਆਏਗਾ? ਸ਼ਹਿਨਾਜ਼ ਨੇ ਕੈਪਸ਼ਨ ‘ਚ ਲਿਖਿਆ, ”ਮੈਂ ਡਰ ਗਈ।”
View this post on Instagram
ਕਮੈਂਟ ਸੈਕਸ਼ਨ ਵਿੱਚ ਉਸ ਦੇ ਫੈਨਸ ਨੇ ਵੀਡੀਓ ਨੂੰ ਬਹੁਤ ਪਸੰਦ ਕੀਤਾ ਤੇ ਸ਼ਹਿਨਾਜ਼ ਨੂੰ ਉਨ੍ਹਾਂ ਦੀ ‘ਸ਼ੇਰਨੀ’ ਕਿਹਾ। ਇੱਕ ਪ੍ਰਸ਼ੰਸਕ ਨੇ ਲਿਖਿਆ, “ਤੁਸੀਂ ਤਾਂ ਆਪ ਸਾਡੀ ਸ਼ੇਰਨੀ ਹੋ ਇਸ ਤੋਂ ਨਾ ਡਰੋ।” ਇੱਕ ਹੋਰ ਫੈਨ ਨੇ ਕਿਹਾ, “ਸਨਾ ਅਸਲ ਸ਼ੇਰਨੀ ਹੈ, ਉਹ ਸ਼ੇਰਾਂ ਤੋਂ ਨਹੀਂ ਡਰਦੀ..”
ਹੋਂਸਲਾ ਰੱਖ ਫੇਮ ਐਕਟਰਸ ਕੁਝ ਦਿਨ ਪਹਿਲਾਂ ਫਿਲਮਫੇਅਰ ਦੁਬਈ ਅਵਾਰਡ ਸਮਾਰੋਹ ਵਿੱਚ ਸ਼ਾਮਲ ਹੋਣ ਲਈ ਦੁਬਈ ਲਈ ਰਵਾਨਾ ਹੋਇਆ ਸੀ। ਸ਼ਹਿਨਾਜ਼ ਨੇ ਸਮਾਰੋਹ ਲਈ ਸੁੰਦਰ, ਸਲੀਕ ਬਲੈਕ ਡਰੈੱਸ ਨੂੰ ਚੁਣਿਆ ਅਤੇ ਉਸਨੇ ਬਾਲੀਵੁੱਡ ਦਾ ਰਾਈਜ਼ਿੰਗ ਸਟਾਰ ਅਵਾਰਡ ਵੀ ਜਿੱਤਿਆ।
ਵਰਕ ਫਰੰਟ ‘ਤੇ ਸ਼ਹਿਨਾਜ਼ ਅਗਲੀ ਵਾਰ ਸਲਮਾਨ ਖ਼ਾਨ ਦੀ ਫਿਲਮ ‘ਕਿਸੀ ਕਾ ਭਾਈ ਕਿਸੀ ਕੀ ਜਾਨ’ ‘ਚ ਨਜ਼ਰ ਆਵੇਗੀ। ਐਕਟਰਸ ਨੇ ਹਾਲ ਹੀ ਵਿੱਚ ਆਪਣਾ ਸੈਲੀਬ੍ਰਿਟੀ ਚੈਟ ਸ਼ੋਅ ‘Desi Vibes’ ਲਾਂਚ ਕੀਤਾ ਸੀ, ਜਿਸ ‘ਚ ਰਾਜਕੁਮਾਰ ਰਾਓ (Rajkummar Rao) ਸੈਲੀਬ੍ਰਿਟੀ ਗੈਸਟ ਬਣੇ ਨਜ਼ਰ ਆਏ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
