Shehnaaz Gill, singing Yash’s film KGF 2′ Song: ਬਿੱਗ ਬੌਸ 13 ਤੋਂ ਬਾਅਦ ਪੰਜਾਬ ਦੀ ਕੈਟਰੀਨਾ ਕੈਫ਼ ਸ਼ਹਿਨਾਜ਼ ਗਿੱਲ ਦੀ ਫੈਨ ਫੋਲੋਇੰਗ ‘ਚ ਜ਼ਬਰਦਸਤ ਵਾਧਾ ਹੋਇਆ। ਇਸ ਦੇ ਨਾਲ ਹੀ ਸ਼ਹਿਨਾਜ਼ ਨੇ ਆਪਣੇ ਆਪ ਨੂੰ ਵੀ ਕਾਫ਼ੀ ਬਦਲਿਆ ਅਤੇ ਉਸ ਦੇ ਗਜ਼ਬ ਦੇ ਟ੍ਰਾਂਸਫਰਮੈਂਸਨ ਨੇ ਵੀ ਫੈਨਸ ‘ਤੇ ਉਸ ਦਾ ਖੁਮਾਰ ਹੋਰ ਵਧਾ ਦਿੱਤਾ।
ਇਹ ਐਕਟਰਸ ਲਗਾਤਾਰ ਸੁਰਖੀਆਂ ‘ਚ ਰਹਿੰਦੀ ਹੈ। ਫਿਰ ਚਾਹੇ ਉਹ ਆਪਣੇ ਕੰਮ ਕਰਕੇ ਹੋਵੇ, ਜਾਂ ਆਪਣੇ ਫੈਸ਼ਨ ਕਰਕੇ ਜਾਂ ਫਿਰ ਕਿਸੇ ਵਾਇਰਲ ਪੋਸਟ ਕਰਕੇ। ਪਰ ਸ਼ਹਿਨਾਜ਼ ਨੂੰ ਲਾਈਮਲਾਈਟ ‘ਚ ਰਹਿਣਾ ਖੂਬ ਆਉਂਦਾ ਹੈ। ਹੁਣ ਇੱਕ ਵਾਰ ਫਿਰ ਤੋਂ ਸ਼ਹਿਨਾਜ਼ ਸੋਸ਼ਲ ਮੀਡੀਆ ‘ਤੇ ਛਾਈ ਹੈ। ਜਿਸ ਦਾ ਕਾਰਨ ਹੈ ਉਸ ਦਾ ਤਾਜ਼ਾ ਵੀਡੀਓ। ਜਿਸ ‘ਚ ਉਹ ਫਿਰ ਤੋਂ ਆਪਣੀ ਆਵਾਜ਼ ਦਾ ਜਾਦੂ ਬਿਖਰਦੇ ਹੋਏ ਨਜ਼ਰ ਆ ਰਹੀ ਹੈ।
ਸਿੰਗਰ- ਐਕਟਰਸ ਸ਼ਹਿਨਾਜ਼ ਗਿੱਲ ਨੇ ਸ਼ਨੀਵਾਰ ਨੂੰ ਯਸ਼ ਦੀ ਫਿਲਮ ‘ਕੇਜੀਐਫ 2’ ਦਾ ਰੋਮਾਂਟਿਕ ਟਰੈਕ ਗਾ ਕੇ ਆਪਣੇ ਫੈਨਸ ਦਾ ਦਿਲ ਜਿੱਤ ਲਿਆ। ਆਪਣੇ ਇੰਸਟਾਗ੍ਰਾਮ ਹੈਂਡਲ ‘ਤੇ ਲੈ ਕੇ, ਸ਼ਹਿਨਾਜ਼ ਨੇ ਫਿਲਮ ‘ਕੇਜੀਐਫ 2’ ਦੇ ‘ਮਹਿਬੂਬਾ’ ਟਰੈਕ ਦੇ ਨਾਲ ਇੱਕ ਵੀਡੀਓ ਸ਼ੇਅਰ ਕੀਤੀ। ਜਿਸ ਨੂੰ ਵੇਖ ਇੱਕ ਵਾਰ ਫਿਰ ਤੋਂ ਸ਼ਹਿਨਾਜ਼ ਦੇ ਫੈਨਸ ਉਸ ਦੀ ਤਾਰੀਫ਼ਾਂ ਕਰਦੇ ਨਹੀਂ ਥੱਕ ਰਹੇ।
ਵੇਖੋ ਸ਼ਹਿਨਾਜ਼ ਦੀ ਵੀਡੀਓ
View this post on Instagram
ਵੀਡੀਓ ਦੇ ਨਾਲ, ਉਸਨੇ ਸਟਾਰ ਇਮੋਜੀ ਪੋਸਟ ਕੀਤੇ। ਇਸ ਦੇ ਨਾਲ ਹੀ ਸ਼ਹਿਨਾਜ਼ ਦੀ ਇਸ ਵੀਡੀਓ ‘ਤੇ ਫੈਨਸ ਖੂਬ ਕੁਮੈਂਟ ਅਤੇ ਲਾਈਕ ਬਰਸਾ ਰਹੇ ਹਨ। ਹਾਲ ਹੀ ਵਿੱਚ ਸ਼ਹਿਨਾਜ਼ ਨੂੰ ਮੁੰਬਈ ਵਿੱਚ ਨਿਰਮਾਤਾ ਰਮੇਸ਼ ਤੋਰਾਨੀ ਦੀ ਦੀਵਾਲੀ ਪਾਰਟੀ ਵਿੱਚ ਦੇਖਿਆ ਗਿਆ ਸੀ, ਜਿੱਥੇ ਸ਼ਹਿਨਾਜ਼ ਦੀ ਮੁਲਾਕਾਤ ਵਿੱਕੀ ਕੌਸ਼ਲ ਨਾਲ ਹੋਈ ਸੀ। ਇਸ ਦੌਰਾਨ ਦੀਆਂ ਤਸਵੀਰਾਂ ਅਤੇ ਵੀਡੀਓ ਵੀ ਸੋਸ਼ਲ ਮੀਡੀਆ ‘ਤੇ ਖੂਬ ਵਾਇਰਲ ਹੋਈ ਸੀ।
ਸ਼ਹਿਨਾਜ਼ ਨੂੰ ਆਖਰੀ ਵਾਰ ਦਿਲਜੀਤ ਦੋਸਾਂਝ ਅਤੇ ਸੋਨਮ ਬਾਜਵਾ ਨਾਲ ‘ਹੌਂਸਲਾ ਰੱਖ’ ‘ਚ ਦੇਖਿਆ ਗਿਆ ਸੀ। ਹੁਣ ਉਹ ਸਲਮਾਨ ਖ਼ਾਨ ਦੀ ਫਿਲਮ ‘ਕਿਸੀ ਕਾ ਭਾਈ ਕਿਸੀ ਕੀ ਜਾਨ’ ਨਾਲ ਬਾਲੀਵੁੱਡ ‘ਚ ਡੈਬਿਊ ਕਰਨ ਜਾ ਰਹੀ ਹੈ।
