Sidhu Moosewala & Burnaboy’s Collaboration: ਸਿੱਧੂ ਮੂਸੇ ਵਾਲਾ (Sidhu Moose Wala) ਦੇ ਫੈਨਸ ਨੂੰ ਅਕਸਰ ਉਸ ਦੀ ਕਮੀ ਮਹਿਸੂਸ ਹੁੰਦੀ ਹੈ, ਪਰ ਮਰਹੂਮ ਸਿੰਗਰ ਵਲੋਂ ਮੌਤ ਤੋਂ ਪਹਿਲਾਂ ਕਈ ਗਾਣੇ ਤਿਆਰ ਕੀਤੇ ਗਏ ਸੀ। ਜਿਨ੍ਹਾਂ ਨੂੰ ਉਸ ਨੇ ਰਿਲੀਜ਼ ਕਰਨ ਦੀ ਪਲਾਨਿੰਗ ਕੀਤੀ। ਪਰ ਇਸ ਸਭ ਤੋਂ ਪਹਿਲਾਂ ਹੀ ਸਿੱਧੂ ਦਾ 29 ਮਈ ਨੂੰ ਪਿੰਡ ਜਵਾਹਰਕੇ ‘ਚ ਲਾਰੈਂਸ ਬਿਸ਼ਨੋਈ ਗੈਂਗ (Lawrence Bishnoi gang) ਨੇ ਗੋਲੀਆਂ ਮਾਰ ਕੇ ਕਤਲ ਕਰ ਦਿੱਤਾ।
ਸਿੱਧੂ ਦੇ ਫੈਨਸ ਅਜੇ ਵੀ ਉਸ ਦੇ ਗਾਣਿਆਂ ਦੀ ਉਡੀਕ ਕਰਦੇ ਹਨ। ਅਜਿਹੇ ‘ਚ ਇੱਕ ਹੋਰ ਵੱਡਾ ਐਲਾਨ ਹੋਇਆ ਹੈ। ਤਾਜ਼ਾ ਅਪਡੇਟ ਮੁਤਾਬਕ ਇੰਟਰਨੈਸ਼ਨਲ ਮਿਊਜ਼ਿਕ ਕੰਪੋਜ਼ਰ ਸਟੀਲ ਬੈਂਗਲਜ਼ (Steel Banglez) ਨੇ ਐਲਾਨ ਕੀਤਾ ਹੈ ਜੋ ਸਿੱਧੂ ਦੇ ਫੈਨਸ ਲਈ ਇਹ ਦੀਵਾਲੀ ਦੇ ਤੋਹਫ਼ੇ ਤੋਂ ਘੱਟ ਨਹੀਂ ਹੋਵੇਗਾ।
ਬ੍ਰਿਟਿਸ਼ ਮਿਊਜ਼ਿਕ ਪ੍ਰੋਡਿਊਸਰ Steel Banglez ਮਰਹੂਮ ਪੰਜਾਬੀ ਗਾਇਕ ਸਿੱਧੂ ਮੂਸੇ ਵਾਲਾ ਦੇ ਨਜ਼ਦੀਕੀ ਦੋਸਤ ਵੀ ਸੀ। Steel Banglez ਨੇ ਇੱਕ ਸੰਗੀਤ ਈਵੈਂਟ ਦੌਰਾਨ ਇਹ ਕੰਠਰਮ ਕੀਤਾ ਹੈ ਕਿ ਇੱਕ ਹਿੱਟਮੇਕਰ ਇੰਟਰਨੈਸ਼ਨਲ ਕਲਾਕਾਰ Burna Boy ਤੇ ਸਿੱਧੂ ਮੂਸੇ ਵਾਲਾ ਦਾ ਨਾਲ ਕਲੈਬ੍ਰੇਸ਼ਨ ਦਾ ਇੱਕ ਅਣ-ਰਿਲੀਜ਼ ਟਰੈਕ “Rebirth” ਇਸ ਸਾਲ ਨਵੰਬਰ ‘ਚ ਰਿਲੀਜ਼ ਹੋ ਰਿਹਾ ਹੈ।
View this post on Instagram
ਦੱਸ ਦਈਏ ਕਿ ਸਿੱਧੂ ਮੂਸੇਵਾਲਾ ਦੀ ਮੌਤ ਸਮੇਂ ਗ੍ਰੈਮੀ ਨੌਮੀਨੇਟਿਡ ਨਾਈਜੀਰੀਅਨ ਗਾਇਕ Burna Boy ਨੇ ਵੀ ਸਿੱਧੂ ਨਾਲ ਆਪਣੇ ਕਲੈਬ੍ਰੇਸ਼ਨ “Rebirth” ਨੂੰ ਸਾਂਝਾ ਕੀਤਾ ਸੀ। ਉਦੋਂ ਤੋਂ ਹੀ ਸਿੱਧੂ ਦੇ ਪ੍ਰਸ਼ੰਸਕ ਇਸ ਟਰੈਕ ਦੇ ਰਿਲੀਜ਼ ਹੋਣ ਦਾ ਇੰਤਜ਼ਾਰ ਕਰ ਰਹੇ ਹਨ। ਅਤੇ ਸਿੱਧੂ ਦੇ ਫੈਨਸ ਦਾ ਇਹ ਇੰਤਜ਼ਾਰ ਹੁਣ ਖ਼ਤਮ ਹੁੰਦਾ ਨਜ਼ਰ ਆ ਰਿਹਾ ਹੈ।
ਬਰਨਾ ਬੁਆਏ ਬਾਰੇ ਗੱਲ ਕਰੀਏ ਤਾਂ ਉਸ ਦੀ 2019 ‘ਚ ਆਈ ਐਲਬਮ “African Giant” ‘Best Global Music Album’ ਕੈਟਾਗਿਰੀ ‘ਚ ਨੌਮੀਨੇਟ ਹੋਈ ਸੀ। ਇਸ ਦੇ ਨਾਲ ਹੀ ਬਰਨਾ ਬੁਆਏ ਲਗਾਤਾਰ ਦੋ ਗ੍ਰੈਮੀ ਨਾਮਜ਼ਦਗੀਆਂ ਵਾਲਾ ਪਹਿਲਾ ਨਾਈਜੀਰੀਅਨ ਕਲਾਕਾਰ ਵੀ ਹੈ।
ਇਹੀ ਕਾਰਨ ਹੈ ਕਿ ਸਿੱਧੂ ਦੇ ਪ੍ਰਸ਼ੰਸਕਾਂ ਲਈ ”Rebirth” ਕਾਫੀ ਖਾਸ ਹੈ। ਹਾਲਾਂਕਿ, ਸਿੱਧੂ ਦੀ ਟੀਮ ਵਲੋਂ ਇਸ ਦਾ ਮੁੜ ਅਧਿਕਾਰਤ ਐਲਾਨ ਕਰਨਾ ਅਜੇ ਬਾਕੀ ਹੈ ਪਰ ਇਹ ਖ਼ਬਰ ਯਕੀਨਨ ਸਿੱਧੂ ਦੇ ਸਾਰੇ ਪ੍ਰਸ਼ੰਸਕਾਂ ਅਤੇ ਪੰਜਾਬੀ ਹਿਪੌਪ ਸੰਗੀਤ ਪ੍ਰੇਮੀਆਂ ਲਈ ਦੀਵਾਲੀ ਦਾ ਤੋਹਫਾ ਹੈ।
