Sweetaj Brar-Harish Verma: ਪੰਜਾਬੀ ਸਟਾਰਸ ਸਵੀਤਾਜ ਬਰਾੜ (Sweetaj Brar) ਅਤੇ ਹਰੀਸ਼ ਵਰਮਾ (Harish Verma) ਪਹਿਲੀ ਵਾਰਵੱਡੇ ਪਰਦੇ ‘ਤੇ ਨਜ਼ਰ ਆਉਣ ਵਾਲੇ ਹਨ। ਦੱਸ ਦਈਏ ਕਿ ਦੋਵੇਂ ਜਲਦੀ ਹੀ ਫਿਲਮ ‘ਤੇਰੇ ਲਈ’ (Movie Tere Layi) ‘ਚ ਨਜ਼ਰ ਆਉਣਗੇ। ਫਿਲਮ ‘ਤੇਰੇ ਲਈ’ ਸਿਨੇਮਾਘਰਾਂ ਵਿੱਚ ਆਉਣ ਲਈ ਤਿਆਰ ਹੈ।
ਦੱਸ ਦਈਏ ਕਿ ਹਰੀਸ਼ ਅਤੇ ਸਵੀਤਾਜ ਦੀ ਆਉਣ ਵਾਲੀ ਫਿਲਮ ”ਤੇਰੇ ਲਈ” 9 ਦਸੰਬਰ ਨੂੰ ਰਿਲੀਜ਼ ਹੋਣ ਵਾਲੀ ਹੈ। ਹੁਣ ਫਿਲਮ ਦਾ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ। ਤੇ ਟ੍ਰੇਲਰ ਦੇਖਣ ਤੋਂ ਬਾਅਦ, ਇਹ ਸਾਨੂੰ ਪਹਿਲੇ ਹੀ ਦਿਨ ਪੂਰੀ ਫਿਲਮ ਦੇਖਣ ਲਈ ਮਜਬੂਰ ਕਰਦਾ ਹੈ। ਪਹਿਲਾ ਇੱਥੇ ਵੇਖੋ ਟ੍ਰੇਲਰ-
‘ਤੇਰੇ ਲਈ’ ਦਾ ਟ੍ਰੇਲਰ ਬਹੁਤ ਦਿਲਚਸਪ ਹੈ। ਜਿਵੇਂ ਕਿ ਪਹਿਲਾਂ ਕਿਹਾ ਗਿਆ ਹੈ, ਇਹ ਬਹੁਤ ਸਾਰੇ ਟਰਨਸ ਤੇ ਟਵੀਸਟ ਵਾਲੀ ਇੱਕ ਰੋਮਾਂਟਿਕ ਫਿਲਮ ਹੈ। ਜਿਸ ਦੀ ਕਹਾਣੀ ਦਰਸਾਉਂਦੀ ਹੈ ਕਿ ਹਰੀਸ਼ ਵਰਮਾ (ਅਮਰੀਕ) ਅਤੇ ਸਵੀਤਾਜ ਬਰਾੜ (ਸੰਜੋਗ) ਵਿਚਕਾਰ ਪਿਆਰ ਕਿਵੇਂ ਖਿੜਦਾ ਹੈ। ਇਸ ਤੋਂ ਇਲਾਵਾ, ਟ੍ਰੇਲਰ ਮੁਤਾਬਕ ਫਿਲਮ ਮਜ਼ਬੂਤ ਕੈਮਿਸਟਰੀ, ਮਨਮੋਹਕ ਡਾਂਸ, ਭਾਵਨਾਵਾਂ ਅਤੇ ਪਰਿਵਾਰਕ ਉਥਲ-ਪੁਥਲ ਨੂੰ ਵੀ ਦਿਖਾਉਂਦੀ ਹੈ ਜੋ ਜ਼ਿਆਦਾਤਰ ਦਰਸ਼ਕਾਂ ਨੂੰ ਪਸੰਦ ਆਵੇਗੀ।
ਕਹਾਣੀ ਦੱਸਦੀ ਹੈ ਕਿ ਜਦੋਂ ਹਰੀਸ਼ ਨੇ ਸਵੀਤਾਜ ਨੂੰ ਵਿਆਹ ਲਈ ਪ੍ਰਪੋਜ਼ ਕੀਤਾ ਤਾਂ ਉਹ ਉਲਝਣ ਵਿੱਚ ਪੈ ਗਈ। ਫਿਰ ਉਹ ਹਰੀਸ਼ ਨਾਲ ਆਪਣਾ ਰਸਤਾ ਵੱਖ ਕਰਦੀ ਹੈ, ਪਰ ਜਦੋਂ ਸਵੀਤਾਜ ਦੇ ਪਰਿਵਾਰ ਨੇ ਉਸ ਲਈ ਲੜਕਾ ਲੱਭ ਲਿਆ, ਤਾਂ ਬਰਾੜ, ਵਰਮਾ ਨੂੰ ਆਪਣੇ ਨਾਲ ਭਾਰਤ ਆਉਣ ਤੇ ਉਸ ਦਾ ਬੁਆਏਫ੍ਰੈਂਡ ਬਣਨ ਲਈ ਕਹਿੰਦੀ ਹੈ। ਉਹ ਉਸਦੇ ਪ੍ਰਸਤਾਵ ਤੋਂ ਇਨਕਾਰ ਨਹੀਂ ਕਰਦਾ। ਪਰ ਸਵੀਤਾਜ ਉਦੋਂ ਅਸੁਰੱਖਿਅਤ ਮਹਿਸੂਸ ਕਰਦੀ ਹੈ ਜਦੋਂ ਉਸਦਾ ਪਰਿਵਾਰ ਹਰੀਸ਼ ਨਾਲ ਜੁੜਨਾ ਸ਼ੁਰੂ ਹੋ ਜਾਂਦਾ ਹੈ।
ਇਸ ਫਿਲਮ ‘ਚ ਨਿਰਦੇਸ਼ਕ ਅਮਿਤ ਪਰਾਸ਼ਰ ਅਤੇ ਲੇਖਕ ਧੀਰਜ ਅਰੋੜਾ ਨੇ ਸ਼ਾਨਦਾਰ ਕੰਮ ਕੀਤਾ। ਇਸ ਤੋਂ ਇਲਾਵਾ, ਅੰਮ੍ਰਿਤ ਅੰਬੀ, ਨਿਰਮਲ ਰਿਸ਼ੀ, ਭੂਮਿਕਾ ਸ਼ਰਮਾ, ਅੰਮ੍ਰਿਤ ਅੰਬੀ, ਜਰਨੈਲ ਸਿੰਘ, ਸੀਮਾ ਕੌਸ਼ਲ, ਨਿਸ਼ਾ ਬਾਨੋ, ਸੁਖਵਿੰਦਰ ਰਾਜ, ਰਾਜ ਧਾਲੀਵਾਲ, ਸੁਖਬੀਰ ਬਾਠ, ਸੁਰਿੰਦਰ ਸਿੰਘ, ਮਨਪ੍ਰੀਤ ਡੌਲੀ, ਸੁਖਪ੍ਰੀਤ ਕੌਰ ਵਰਗੇ ਕਲਾਕਾਰ ਟ੍ਰੇਲਰ ਵਿੱਚ ਨਜ਼ਰ ਆ ਰਹੇ ਹਨ।
