ਬਾਲੀਵੁੱਡ ਐਕਟਰ ਵਿੱਕੀ ਕੌਸ਼ਲ, ਭੂਮੀ ਪੇਡਨੇਕਰ ਅਤੇ ਕਿਆਰਾ ਅਡਵਾਨੀ ਦੀ ਕਾਮੇਡੀ ਫਿਲਮ ‘ਗੋਵਿੰਦ ਨਾਮ ਮੇਰਾ’ ਨੂੰ ਲੈ ਕੇ ਇੱਕ ਵੱਡਾ ਅਪਡੇਟ ਸਾਹਮਣੇ ਆਇਆ। ਫੈਨਸ ਹੁਣ ਫਿਲਮ ਨੂੰ ਸਿਨੇਮਾਘਰਾਂ ‘ਚ ਨਹੀਂ ਸਗੋਂ ਆਪਣੇ ਘਰ ਦੇਖ ਸਕਣਗੇ। ਦਰਅਸਲ, ਫਿਲਮ ਜਲਦੀ ਹੀ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਣ ਦੀ ਬਜਾਏ OTT ਪਲੇਟਫਾਰਮ ‘ਤੇ ਆਉਣ ਵਾਲੀ ਹੈ। ਇਸ ਗੱਲ ਦੀ ਜਾਣਕਾਰੀ ਐਕਟਰ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਸਾਂਝੀ ਕੀਤੀ ਹੈ।
ਵਿੱਕੀ ਕੌਸ਼ਲ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਇਕ ਵੀਡੀਓ ਸ਼ੇਅਰ ਕਰਦੇ ਹੋਏ OTT ‘ਤੇ ਫਿਲਮ ਦੇ ਰਿਲੀਜ਼ ਹੋਣ ਦੀ ਜਾਣਕਾਰੀ ਦਿੱਤੀ ਹੈ। ਇਸ ਵੀਡੀਓ ‘ਚ ਉਹ ਕਰਨ ਜੌਹਰ ਨਾਲ ਨਜ਼ਰ ਆ ਰਹੇ ਨੇ। ਦੋਵੇਂ ਮਜ਼ੇਦਾਰ ਗੱਲਬਾਤ ਕਰਦੇ ਦਿਖੇ ਅਤੇ ਕਰਨ ਵਿੱਕੀ ਨੂੰ ਗੋਵਿੰਦਾ ਬਾਰੇ ਦੱਸ ਰਹੇ ਹਨ। ਪਹਿਲਾਂ ਵਿੱਕੀ ਗੋਵਿੰਦਾ ਦਾ ਨਾਮ ਸੁਣਦਾ ਹੈ ਅਤੇ ਮਹਿਸੂਸ ਕਰਦਾ ਹੈ ਕਿ ਉਹ ਗੋਵਿੰਦਾ ਦੀ ਬਾਇਓਪਿਕ ਬਣਾਉਣ ਜਾ ਰਿਹਾ ਹੈ, ਫਿਰ ਕਰਨ ਕਹਿੰਦਾ ਹੈ ਕਿ ਬਾਇਓਪਿਕ ਕੌਣ ਬਣਾਉਂਦਾ ਹੈ। ਇਸ ਤੋਂ ਬਾਅਦ ਕਰਨ ਵਿੱਕੀ ਨੂੰ ਗੋਵਿੰਦਾ ਬਾਰੇ ਜੋ ਵੀ ਦੱਸ ਰਿਹਾ ਹੈ, ਵਿੱਕੀ ਉਸ ਨੂੰ ਚੰਗੀ ਤਰ੍ਹਾਂ ਸਮਝ ਰਿਹਾ ਹੈ, ਪਰ ਹੋਇਆ ਇਸ ਦੇ ਉਲਟ।
View this post on Instagram
ਵੀਡੀਓ ਸ਼ੇਅਰ ਕਰਦੇ ਹੋਏ ਵਿੱਕੀ ਕੌਸ਼ਲ ਨੇ ਲਿਖਿਆ, ‘ਗੋਵਿੰਦਾ ਨਾਮ ਮੇਰਾ OTT ਪਲੇਟਫਾਰਮ Disney Plus Hotstar ‘ਤੇ ਸਟ੍ਰੀਮ ਕਰੇਗੀ। ਹਾਲਾਂਕਿ ਫਿਲਮ ਦੀ ਰਿਲੀਜ਼ ਡੇਟ ਦਾ ਅਜੇ ਐਲਾਨ ਨਹੀਂ ਕੀਤਾ ਗਿਆ। ਫਿਲਮ ਦੇ ਐਲਾਨ ਤੋਂ ਬਾਅਦ ਫੈਨਸ ਵੀ ਕਾਫੀ ਖੁਸ਼ ਨਜ਼ਰ ਆ ਰਹੇ ਹਨ।
ਤੁਹਾਨੂੰ ਦੱਸ ਦੇਈਏ ਕਿ ਡਰਾਉਣੀ ਫਿਲਮ ‘ਭੂਤ ਪਾਰਟ ਵਨ: ਦਿ ਹਾਉਂਟੇਡ ਸ਼ਿਪ’ ਤੋਂ ਬਾਅਦ ‘ਗੋਵਿੰਦਾ ਨਾਮ ਮੇਰਾ’ ਧਰਮਾ ਪ੍ਰੋਡਕਸ਼ਨ ਬੈਨਰ ਦੁਆਰਾ ਵਿੱਕੀ ਦੀ ਦੂਜੀ ਫਿਲਮ ਹੈ। ਇਸ ਦੇ ਨਾਲ ਹੀ ਫਿਲਮ ਨੂੰ ਡਾਇਰੈਕਟ ਸ਼ਸ਼ਾਂਕ ਖੇਤਾਨ ਕਰ ਰਹੇ ਹਨ। ਇਸ ‘ਚ ਵਿੱਕੀ ਦੇ ਨਾਲ ਭੂਮੀ ਅਤੇ ਕਿਆਰਾ ਨਜ਼ਰ ਆਉਣਗੇ। ਇਸ ਤੋਂ ਇਲਾਵਾ ਉਹ ਸਾਰਾ ਅਲੀ ਖਾਨ ਅਤੇ ਤ੍ਰਿਪਤੀ ਡਿਮਰੀ ਦੇ ਨਾਲ ਰੋਮਾਂਟਿਕ ਕਾਮੇਡੀ ਫਿਲਮ ‘ਚ ਵੀ ਨਜ਼ਰ ਆਉਣਗੇ।
