ਬਾਲੀਵੁੱਡ ਦੇ ਸਭ ਤੋਂ ਮਸ਼ਹੂਰ ਅਤੇ ਬਲਾਕਬਸਟਰ ਗਾਇਕ ਮੀਕਾ ਸਿੰਘ ਨੂੰ ਆਖਿਰਕਾਰ ਆਪਣੀ ਦੁਲਹਨੀਆ ਮਿਲ ਗਈ ਹੈ। ਮੀਕਾ ਸਿੰਘ ਨੇ ਆਪਣੀ ਸਭ ਤੋਂ ਕਰੀਬੀ ਅਤੇ ਖਾਸ ਦੋਸਤ ਅਕਾਂਕਸ਼ਾ ਪੁਰੀ ਨੂੰ ਆਪਣਾ ਸਾਥੀ ਚੁਣਿਆ ਹੈ। ਮੀਕਾ ਸਿੰਘ ਨਾਲ ਵਿਆਹ ਕਰਨ ਲਈ ਅਕਾਂਕਸ਼ਾ ਪੁਰੀ ਨੇ ਸ਼ੋਅ ਦੇ ਮਿਡਲ ‘ਚ ਵਾਈਲਡ ਕਾਰਡ ਐਂਟਰੀ ਲਈ ਅਤੇ ਹੁਣ ਮੀਕਾ ਦੀ ਵੋਟੀ ਬਣਨ ਦਾ ਉਨ੍ਹਾਂ ਦਾ ਸੁਪਨਾ ਸਾਕਾਰ ਹੋ ਗਿਆ ਹੈ।
ਮੀਕਾ ਸਿੰਘ ਅਤੇ ਅਕਾਂਕਸ਼ਾ 12 ਸਾਲ ਪੁਰਾਣੇ ਦੋਸਤ ਹਨ
ਮੀਕਾ ਸਿੰਘ ਅਤੇ ਅਕਾਂਕਸ਼ਾ ਪੁਰੀ ਦੀ ਸਾਂਝ ਬਹੁਤ ਪੁਰਾਣੀ ਅਤੇ ਖਾਸ ਹੈ। ਮੀਕਾ ਸਿੰਘ ਅਤੇ ਆਕਾਂਕਸ਼ਾ ਪੁਰੀ ਇਕ-ਦੂਜੇ ਨੂੰ ਕਰੀਬ 10-12 ਸਾਲਾਂ ਤੋਂ ਜਾਣਦੇ ਹਨ ਅਤੇ ਦੋਹਾਂ ਨੇ ਹਰ ਕਦਮ ‘ਤੇ ਇਕ-ਦੂਜੇ ਦਾ ਸਾਥ ਦਿੱਤਾ ਹੈ। ਪਰ ਹੁਣ ਦੋਵਾਂ ਦੀ ਡੂੰਘੀ ਦੋਸਤੀ ਪਿਆਰ ਵਿੱਚ ਬਦਲ ਗਈ ਹੈ ਅਤੇ ਇਹੀ ਕਾਰਨ ਹੈ ਕਿ ਮੀਕਾ ਸਿੰਘ ਨੇ ਆਪਣੀ ਵੋਟੀ ਵਜੋਂ ਅਕਾਂਕਸ਼ਾ ਪੁਰੀ ਨੂੰ ਚੁਣਿਆ ਹੈ।
ਮੀਕਾ ਸਿੰਘ ਦਾ ਦੁਲਹਨ ਬਣਨ ਦਾ ਸੁਪਨਾ ਲੈ ਕੇ ਆਈਆਂ 12 ਕੁੜੀਆਂ
ਮੀਕਾ ਸਿੰਘ ਨਾਲ ਵਿਆਹ ਕਰਕੇ ਉਸ ਦੀ ਦੁਲਹਨ ਬਣਨ ਦੇ ਸੁਪਨੇ ਨਾਲ 12 ਖੂਬਸੂਰਤ ਕੁੜੀਆਂ ਗਾਇਕ ਦੇ ਸਵਯੰਵਰ ‘ਚ ਸ਼ਾਮਲ ਹੋਈਆਂ ਸਨ। ਮੀਕਾ ਸਿੰਘ ਦੀ ਹਰ ਕੁੜੀ ਨਾਲ ਖਾਸ ਸਾਂਝ ਦੇਖਣ ਨੂੰ ਮਿਲੀ। ਪਰ ਇਨ੍ਹਾਂ 12 ‘ਚੋਂ ਸਿਰਫ ਤਿੰਨ ਕੁੜੀਆਂ ਹੀ ਮੀਕਾ ਸਿੰਘ ਦੇ ਦਿਲ ‘ਚ ਖਾਸ ਜਗ੍ਹਾ ਬਣਾ ਕੇ ਟਾਪ 3 ‘ਚ ਪਹੁੰਚਣ ‘ਚ ਕਾਮਯਾਬ ਰਹੀਆਂ।
