Diljit Dosanjh’s New Album ‘Ghost’: Diljit Dosanjh ਪੰਜਾਬ ਹੀ ਨਹੀਂ ਸਗੋਂ ਦੁਨੀਆ ਦੇ ਕੋਨੇ ਕੋਨੇ ‘ਚ ਵਸਦੇ ਲੋਕਾਂ ਦੇ ਦਿਲਾਂ ‘ਚ ਆਪਣੀ ਖਾਸ ਥਾਂ ਬਣਾ ਚੁੱਕੇ ਹਨ। ਇਸ ਮੁਕਾਮ ਨੂੰ ਹਾਸਲ ਕਰਨ ਲਈ ਦੋਸਾਂਝਾਵਾਲੇ ਨੇ ਮਿਹਨਤ ਵੀ ਕਾਫੀ ਕੀਤੀ ਅਤੇ ਇਸੇ ਮਿਹਨਤ ਦਾ ਆਨੰਦ ਹੁਣ ਉਹ ਮਾਣ ਰਿਹਾ ਹੈ। ਦੱਸ ਦਈਏ ਕਿ ਦਿਲਜੀਤ ਦੇ ਹਰ ਨਵੇਂ ਪ੍ਰੋਜੈਕਟ ਦਾ ਉਸ ਦੇ ਫੈਨਸ ਬੇਸਬਰੀ ਨਾ ਉੜੀਕ ਕਰਦੇ ਹਨ।
ਦਿਲਜੀਤ ਕੋਲ ਇਸ ਸਮੇਂ ਕਾਫੀ ਪ੍ਰੋਜੈਕਟ ਹਨ। ਉਹ ਲਗਾਤਾਰ ਕੰਮ ‘ਚ ਬਿਜ਼ੀ ਹੈ। ਹੁਣ ਦੁਨੀਆ ਦੇ ਹਰਮਨ ਪਿਆਰੇ ਦਸਤਾਰਧਾਰੀ ਦਿਲਜੀਤ ਦੋਸਾਂਝ ਨੇ ਆਪਣੇ ਫੈਨਸ ਲਈ ਇੱਕ ਹੋਰ ਖੁਸ਼ਖਬਰੀ ਸ਼ੇਅਰ ਕੀਤੀ ਹੈ। ਦਿਲਜੀਤ ਨੇ ਆਪਣੀ ਸਾਲ 2023 ਦੀ ਨਵੀਂ ਐਲਬਮ ‘ਘੋਸਟ’ ਦਾ ਐਲਾਨ ਕੀਤਾ ਹੈ। ਸਿੰਗਰ ਵਲੋਂ ਸ਼ੇਅਰ ਕੀਤੀ ਜਾਣਕਾਰੀ ਮੁਤਾਬਕ ਇਹ ਐਲਬਮ ਜਲਦ ਹੀ ਰਿਲੀਜ਼ ਕਰਨ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ।
ਦਿਲਜੀਤ ਦੋਸਾਂਝ ਨੇ ਆਪਣੀ ਆਉਣ ਵਾਲੀ ਐਲਬਮ ਦਾ ਐਲਾਨ ਇੰਸਟਾਗ੍ਰਾਮ ਸਟੋਰੀਜ਼ ਨਾਲ ਕੀਤਾ। ਉਸਨੇ ਆਪਣੀ ਨਵੀਂ ਐਲਬਮ ਦਾ ਐਲਾਨ ਕਰਨ ਲਈ ਇੰਸਟਾਗ੍ਰਾਮ ‘ਤੇ ਦੋ ਸਟੋਰੀਜ਼ ਸ਼ੇਅਰ ਕੀਤੀਆਂ। ਪਹਿਲੀ ਸਟੋਰੀ ‘ਚ ਦਿਲਜੀਤ ਨੇ ਆਪਣੀ ਨਵੀਂ ਐਲਬਮ ਦੀ ਰਿਲੀਜ਼ ਡੇਟ ਦਾ ਹਿੰਟ ਦਿੱਤਾ, ਜਦੋਂ ਕਿ ਦੂਜੀ ਸੋਟਰੀ ‘ਚ ਉਸਨੇ ਇੱਕ ਪਾਸੇ ‘ਗੋਸਟ 2023 ਬ੍ਰਾਂਡ ਨਿਊ ਐਲਬਮ’ ਲਿੱਖੇ ਟੈਕਸਟ ਦੇ ਨਾਲ ਆਪਣੀ ਇੱਕ ਤਸਵੀਰ ਪੋਸਟ ਕੀਤੀ।
ਇਸ ਐਲਬਮ ਬਾਰੇ ਅਜੇ ਹੋਰ ਜਾਣਕਾਰੀ ਮਿਲਣੀ ਬਾਕੀ ਹੈ, ਹਾਲਾਂਕਿ ਦਿਲਜੀਤ ਦੀ ਸਟੋਰੀਜ਼ ਤੋਂ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ‘ਘੋਸਟ’ ਇਸ ਸਾਲ ਨਵੰਬਰ ‘ਚ ਰਿਲੀਜ਼ ਹੋ ਸਕਦੀ ਹੈ। ਪਰ ਅਸੀਂ ਉਮੀਦ ਕਰ ਰਹੇ ਹਾਂ ਕਿ ਦਿਲਜੀਤ ਜਲਦੀ ਹੀ ਐਲਬਮ ਰਿਲੀਜ਼ ਕਰ ਦੇਵੇਗਾ।
ਦੱਸ ਦਈਏ ਕਿ ਫੈਨਸ ਦਿਲਜੀਤ ਦੋਸਾਂਝ ਤੋਂ ਸਿਰਫ ਨਾਨ-ਸਟਾਪ ਮਨੋਰੰਜਨ ਚਾਹੁੰਦੇ ਹਨ ਤੇ ਉਹ ਕਦੇ ਵੀ ਕਿਸੇ ਨੂੰ ਨਿਰਾਸ਼ ਨਹੀਂ ਕਰਦੇ। ਉਹ ਬਲਾਕਬਸਟਰ ਐਲਬਮਾਂ ਪ੍ਰਦਾਨ ਕਰਨ ਦੇ ਮਾਮਲੇ ਵਿੱਚ ਇੱਕ ਸ਼ਾਨਦਾਰ ਸਕਸੈਸ ਰੇਟ ਰੱਖਦਾ ਹੈ। ਉਸਦੀਆਂ ਪਿਛਲੀਆਂ ਤਿੰਨ ਐਲਬਮਾਂ ਦੇ ਗੀਤ G.O.A.T. (2020), ਮੂਨਚਾਈਲਡ ਏਰਾ (MoonChild Era) (2021) ਅਤੇ ਰੋਰ (Roar ) (2018) ਮਿਊਜ਼ਿਕ ਲਵਰਸ ਲਈ ਪਾਰਟੀ ਸੌਂਗਸ ਬਣ ਗਏ।
ਜੇਕਰ ਦਿਲਜੀਤ ਦੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਦਿਲਜੀਤ ਦੋਸਾਂਝ ਹਾਲ ਹੀ ਵਿੱਚ ਤੱਬੂ, ਕਰੀਨਾ ਕਪੂਰ ਖ਼ਾਨ ਤੇ ਕ੍ਰਿਤੀ ਸੈਨਨ ਸਟਾਰਰ ਬਾਲੀਵੁੱਡ ਕਾਮੇਡੀ ਫਿਲਮ ‘ਦ ਕਰੂ’ ਦੀ ਸਟਾਰ ਕਾਸਟ ਵਿੱਚ ਸ਼ਾਮਲ ਹੋਏ ਹਨ। ਇਸ ਤੋਂ ਇਲਾਵਾ ਦਿਲਜੀਤ ਅਮਰ ਸਿੰਘ ਚਮਕੀਲਾ ਦੀ ਬਾਇਓਪਿਕ ਦੀ ਸ਼ੂਟਿੰਗ ਵਿੱਚ ਵੀ ਰੁੱਝਿਆ ਹੋਇਆ ਹੈ ਜਿਸਨੂੰ ਇਮਤਿਆਜ਼ ਅਲੀ ਡਾਇਰੈਕਟ ਕਰ ਰਹੇ ਹਨ ਤੇ ਉਮੀਦ ਕੀਤੀ ਜਾ ਰਹੀ ਹੈ ਕਿ 2023 ਦੇ ਅੰਤ ਤੱਕ ਇਹ ਫਿਲਮ ਫਲੋਰ ‘ਤੇ ਆ ਸਕਦੀ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਤੁਸੀਂ Pro Punjab TV ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਫੇਸਬੁੱਕ, ਟਵਿੱਟਰ ਤੇ ਇੰਸਟਾਗ੍ਰਾਮ ‘ਤੇ ਵੀ ਫੋਲੋ ਕਰ ਸਕਦੇ ਹੋ।
TV, FACEBOOK, YOUTUBE ਤੋਂ ਪਹਿਲਾਂ ਹਰ ਖ਼ਬਰ ਪੜ੍ਹਣ ਲਈ ਡਾਉਨਲੋਡ ਕਰੋ PRO PUNJAB TV APP
APP ਡਾਉਨਲੋਡ ਕਰਨ ਲਈ Link ‘ਤੇ Click ਕਰੋ:
Android: https://bit.ly/3VMis0h
