ਬੀਤੇ ਦਿਨ ਹੀ Punjab Kings ਨੇ ਮੁੰਬਈ ਦੇ ਬਰਾਬਰ ਖੇਡ ਸ਼ਨਦਾਰ ਪ੍ਰਦਰਸ਼ਨ ਦਿੱਤਾ ਹੈ। ਟੀਮ ਹੁਣ ਫਾਈਨਲ ਵਿੱਚ ਪਹੁੰਚ ਗਈ ਹੈ ਪਰ ਇਸ ਵਿੱਚ ਹੀ ਇੱਕ ਹੋਰ ਵੱਡੀ ਖਬਰ ਸਾਹਮਣੇ ਆ ਰਹੀ ਹੈ ਜਿਸ ਵਿੱਚ ਦੱਸਿਆ ਜਾ ਰਿਹਾ ਹੈ ਕਿ Punjab Kings ਦੀ ਟੀਮ ਨੂੰ ਵੱਡਾ ਝਟਕਾ ਲੱਗਾ ਹੈ।
ਦੱਸ ਦੇਈਏ ਕਿ ਆਸਟ੍ਰੇਲੀਆ ਦੇ ਵਿਸਫੋਟਕ ਬੱਲੇਬਾਜ਼ ਗਲੇਨ ਮੈਕਸਵੈੱਲ ਨੇ ਅਚਾਨਕ ਵਨਡੇ ਕ੍ਰਿਕਟ ਤੋਂ ਸੰਨਿਆਸ ਲੈਣ ਦਾ ਐਲਾਨ ਕਰ ਦਿੱਤਾ ਹੈ। ਪਰ ਮੈਕਸਵੈੱਲ ਟੀ-20 ਕ੍ਰਿਕਟ ਖੇਡਣਾ ਜਾਰੀ ਰੱਖੇਗਾ।
2012 ਵਿੱਚ ਅਫਗਾਨਿਸਤਾਨ ਵਿਰੁੱਧ ਆਪਣਾ ਵਨਡੇ ਡੈਬਿਊ ਕਰਨ ਤੋਂ ਬਾਅਦ, ਮੈਕਸਵੈੱਲ ਨੇ ਆਸਟ੍ਰੇਲੀਆ ਲਈ 149 ਵਨਡੇ ਮੈਚ ਖੇਡੇ, ਜਿਸ ਵਿੱਚ ਉਸਨੇ 33.81 ਦੀ ਔਸਤ ਅਤੇ 126.70 ਦੇ ਸਟ੍ਰਾਈਕ ਰੇਟ ਨਾਲ 3,990 ਦੌੜਾਂ ਬਣਾਈਆਂ।
ਮੈਕਸਵੈੱਲ ਨੇ ਆਪਣੀ ਸ਼ਾਨਦਾਰ ਆਫ-ਸਪਿਨ ਗੇਂਦਬਾਜ਼ੀ ਨਾਲ 50 ਓਵਰਾਂ ਦੇ ਫਾਰਮੈਟ ਵਿੱਚ 77 ਵਿਕਟਾਂ ਵੀ ਲਈਆਂ ਅਤੇ 91 ਕੈਚ ਵੀ ਲਏ। ਮੈਕਸਵੈੱਲ ਨੇ ਫਾਈਨਲ ਵਰਡ ਪੋਡਕਾਸਟ ‘ਤੇ ਆਪਣੀ ਸੰਨਿਆਸ ਬਾਰੇ ਕਿਹਾ, “ਮੈਂ (ਚੋਣਕਾਰਾਂ ਦੇ ਚੇਅਰਮੈਨ) ਜਾਰਜ ਬੇਲੀ ਨਾਲ ਗੱਲ ਕੀਤੀ ਅਤੇ ਉਨ੍ਹਾਂ ਨੂੰ ਪੁੱਛਿਆ ਕਿ ਭਵਿੱਖ ਬਾਰੇ ਉਨ੍ਹਾਂ ਦੇ ਕੀ ਵਿਚਾਰ ਹਨ।
ਅਸੀਂ 2027 ਵਿਸ਼ਵ ਕੱਪ ਬਾਰੇ ਗੱਲ ਕੀਤੀ ਅਤੇ ਮੈਂ ਉਨ੍ਹਾਂ ਨੂੰ ਕਿਹਾ, ‘ਮੈਨੂੰ ਨਹੀਂ ਲੱਗਦਾ ਕਿ ਮੈਂ ਇਸ ਵਿੱਚ ਸਫਲ ਹੋ ਸਕਾਂਗਾ, ਹੁਣ ਸਮਾਂ ਆ ਗਿਆ ਹੈ ਕਿ ਮੇਰੀ ਜਗ੍ਹਾ ਹੋਰ ਖਿਡਾਰੀਆਂ ਲਈ ਯੋਜਨਾ ਬਣਾਈ ਜਾਵੇ ਤਾਂ ਜੋ ਉਹ ਇਸ ਟੀਮ ਵਿੱਚ ਆ ਸਕਣ ਅਤੇ ਟੀਮ ਨੂੰ ਅੱਗੇ ਲੈ ਜਾ ਸਕਣ, ਉਮੀਦ ਹੈ ਕਿ ਉਨ੍ਹਾਂ ਨੂੰ ਉਸ ਭੂਮਿਕਾ ਨੂੰ ਬਣਾਈ ਰੱਖਣ ਲਈ ਕਾਫ਼ੀ ਮੌਕੇ ਮਿਲਣਗੇ।”
